У развіццё перамоваў, якія прайшлі напярэдадні, сёння адбылася тэлефонная размова прэзідэнтаў Беларусі і Расіі Аляксандра Лукашэнкі і Уладзіміра Пуціна.
У развіццё перамоваў, якія прайшлі напярэдадні, сёння адбылася тэлефонная размова прэзідэнтаў Беларусі і Расіі Аляксандра Лукашэнкі і Уладзіміра Пуціна.
Пра гэта БЕЛТА паведамілі ў прэс-службе беларускага лідара.
"Галоўныя тэмы, якія абмеркавалі Аляксандр Лукашэнка і Уладзімір Пуцін: функцыянаванне падатковай сістэмы; пытанні кааперацыі ў ВПК, узмацненне супольных абаронных сістэм; праца СМІ ў сучасных умовах (інфармацыйнае проціборства). Выраўноўванне ўмоў жыцця людзей і суб'ектаў гаспадарання ў Саюзнай дзяржаве - вось галоўная мэта ўсёй праведзенай вялікай працы", - праінфармавалі ў прэс-службе.
Як паведамлялася БЕЛТА, напярэдадні ў Сочы лідары дзвюх краін правялі нефармальную сустрэчу, якая працягвалася больш за шэсць гадзін як у класічным фармаце сам-насам, так і за катаннем на лыжах і снегаходах, падчас абеду. У тым ліку ўзнімаліся тэмы кааперацыі, гандлёва-эканамічнага супрацоўніцтва, інтэграцыйнага парадку дня, супольнай барацьбы з каранавіруснай інфекцыяй, уключаючы вытворчасць у Беларусі расійскай вакцыны.