Лукашэнка: любыя палітычныя новацыі павінны ствараць умовы для развіцця суверэннай Беларусі

Любыя палітычныя новацыі павінны ствараць умовы для развіцця суверэннай Беларусі і дабрабыту грамадзян.

Пра гэта Прэзідэнт Беларусі Аляксандр Лукашэнка заявіў сёння на сустрэчы з рабочай групай па дапрацоўцы праекта Канстытуцыі, перадае карэспандэнт БЕЛТА.

"Я спадзяюся, што наша сённяшняя сустрэча будзе выніковай. Мэта сённяшняга мерапрыемства - звесці ў адно ўсе выпрацаваныя прапановы, стварыць канчатковую канфігурацыю абноўленага Асноўнага закона. Зрабіць гэта так, каб яго палажэнні ўяўлялі сабой адзіную і стройную сістэму", - сказаў Аляксандр Лукашэнка.

Як паведамлялася БЕЛТА, на папярэдняй сустрэчы з рабочай групай Аляксандр Лукашэнка заявіў, што яму прадставілі новы дапрацаваны праект Канстытуцыі. Тады кіраўнік дзяржавы заўважыў, што эксперты рабочай групы падтрымалі не ўсе прапановы Канстытуцыйнай камісіі. "Гэта добра, што ёсць розныя пункты гледжання. Напэўна, любая канкурэнцыя, любыя пункты гледжання, якія маюць права быць, пры сутыкненні спрыяюць выпрацоўцы нармальных палажэнняў будучай Канстытуцыі. Толькі так, я лічу, мы выйдзем на годны праект Асноўнага закона, які, вядома ж, людзі ўжо чакаюць", - лічыць Прэзідэнт.

Крыніца: belta.by