Прэзідэнт Беларусі Аляксандр Лукашэнка павіншаваў работнікаў і ветэранаў органаў пракуратуры з прафесійным святам. Пра гэта БЕЛТА паведамілі ў прэс-службе кіраўніка дзяржавы.
"Абараняючы правы і свабоды грамадзян, забяспечваючы вяршэнства закона і справядлівасці, захоўваючы гістарычную праўду, вы робіце ўсё для таго, каб Беларусь паступальна развівалася і мацнела, а ў нашым грамадстве заўсёды панавалі мір і згода", - гаворыцца ў віншаванні.
Асабліва актуальна ўсё гэта сёння, калі на супрацоўніках органаў пракуратуры ляжыць асаблівая адказнасць за вырашэнне цэлага комплексу складаных задач у пытаннях захавання законнасці і правапарадку, барацьбы са злачыннасцю і ўмацавання нацыянальнай бяспекі, звярнуў увагу Прэзідэнт.
"Перакананы, кожны з вас гэта добра разумее, а высокі прафесіяналізм, прынцыповасць і незалежнасць дазволяць эфектыўна процідзейнічаць новым выклікам часу", - падкрэсліў беларускі лідар.
Кіраўнік дзяржавы падзякаваў за працу ветэранаў і выказаў ім удзячнасць за тое, што, будучы ўзорам адданага служэння краіне і народу, яны заклалі трывалыя асновы функцыянавання ўсёй сістэмы органаў пракуратуры і застаюцца ў страі, перадаючы свой багаты вопыт моладзі.
Аляксандр Лукашэнка пажадаў работнікам органаў пракуратуры далейшых поспехаў у дзейнасці на карысць роднай Беларусі, а таксама моцнага здароўя, шчасця і дабрабыту ім і іх блізкім.
Віншаванне Прэзідэнта работнікам і ветэранам органаў пракуратуры з прафесійным святам
Паважаныя таварышы!
Віншую вас з прафесійным святам.
Абараняючы правы і свабоды грамадзян, забяспечваючы вяршэнства закона і справядлівасці, захоўваючы гістарычную праўду, вы робіце ўсё для таго, каб Беларусь паступальна развівалася і мацнела, а ў нашым грамадстве заўсёды панавалі мір і згода.
Асабліва актуальна гэта сёння, калі на супрацоўніках органаў пракуратуры ляжыць асаблівая адказнасць за вырашэнне цэлага комплексу складаных задач у пытаннях захавання законнасці і правапарадку, барацьбы са злачыннасцю і ўмацавання нацыянальнай бяспекі.
Перакананы, кожны з вас гэта добра разумее, а высокі прафесіяналізм, прынцыповасць і незалежнасць дазволяць эфектыўна процідзейнічаць новым выклікам часу.