Прэзідэнт Беларусі Аляксандр Лукашэнка павіншаваў работнікаў і ветэранаў энергетычнай галіны з прафесійным святам – Днём энергетыка. Аб гэтым БЕЛТА паведамілі ў прэс-службе беларускага лідара.
"Паліўна-энергетычны комплекс краіны з'яўляецца адной з ключавых галін нацыянальнай эканомікі, забяспечвае ўстойлівую працу айчынных прадпрыемстваў і функцыянаванне аб'ектаў сацыяльнай сферы, – гаворыцца ў віншаванні. – Сучасныя, надзейныя, дынамічныя прадпрыемствы энергасістэмы ствараюць высокапрадукцыйныя працоўныя месцы і адыгрываюць важную ролю ў развіцці гарадоў і рэгіёнаў".
Кіраўнік дзяржавы звярнуў увагу, што запуск двух энергаблокаў Беларускай АЭС як ніколі ўзмацніў энергетычны патэнцыял рэспублікі. "Рашэнне аб будаўніцтве трэцяга энергаблока стала своечасовым і важным крокам на шляху далейшага развіцця Беларусі і ўмацавання яе суверэнітэту", – канстатаваў Прэзідэнт.
Аляксандр Лукашэнка адзначыў, што ўсе дасягненні галіны, унікальны вопыт і кампетэнцыі з'яўляюцца вынікам штодзённай працы вялікага і дружнага калектыву.
"Перакананы, што вашы прафесіяналізм, назапашаныя веды і навыкі, а таксама шматгадовыя працоўныя традыцыі стануць залогам эфектыўнага вырашэння пастаўленых задач", – падкрэсліў беларускі лідар.
Прэзідэнт пажадаў усім работнікам і ветэранам галіны здароўя, шчасця, невычарпальнай энергіі, новых працоўных здзяйсненняў і мірнага неба над галавой.
Работнiкам i ветэранам энергетычнай галiны
Дарагія сябры!
Прыміце самыя шчырыя віншаванні з прафесійным святам – Днём энергетыка.
Паліўна-энергетычны комплекс краіны з'яўляецца адной з ключавых галін нацыянальнай эканомікі, забяспечвае ўстойлівую працу айчынных прадпрыемстваў і функцыянаванне аб'ектаў сацыяльнай сферы.
Сучасныя, надзейныя, дынамічныя прадпрыемствы энергасістэмы, дзе ствараюць высокапрадукцыйныя працоўныя месцы, адыгрываюць важную ролю ў развіцці гарадоў і рэгіёнаў.
Запуск двух энергаблокаў Беларускай АЭС як ніколі ўзмацніў энергетычны патэнцыял рэспублікі. Рашэнне аб будаўніцтве трэцяга энергаблока стала своечасовым і важным крокам на шляху далейшага развіцця Беларусі і ўмацавання яе суверэнітэту.
Усе дасягненні галіны, унікальны вопыт і кампетэнцыі – вынік штодзённай працы вялікага і дружнага калектыву.
Перакананы, што ваш прафесіяналізм, назапашаныя веды і навыкі, а таксама шматгадовыя працоўныя традыцыі стануць залогам эфектыўнага вырашэння пастаўленых задач.
У гэты святочны дзень жадаю вам здароўя, шчасця, невычарпальнай энергіі, новых працоўных здзяйсненняў і мірнага неба над галавой.
Аляксандр Лукашэнка
22 снежня 2025 года.