Лукашэнка аб закліках да забастовак на прадпрыемствах: калі спынімся, ніколі не раскруцім сваю вытворчасць

Прэзідэнт Беларусі Аляксандр Лукашэнка пракаментаваў спробы "раскачаць" працоўныя калектывы ў краіне і папярэдзіў, што забастоўкі могуць вельмі негатыўна адбіцца на будучай працы прадпрыемстваў. Пра гэта ён заявіў сёння на нарадзе па рабоце будаўнічай галіны, перадае карэспандэнт БЕЛТА.

"Для пачатку, я пакуль жывы і не за мяжой, як тут некаторыя нашы паважаныя "свядомыя" раскручваюць: Прэзідэнт пакінуў краіну і знаходзіцца за мяжой. Сёння 14-е чысло, мы з вамі сустракаемся для таго, каб абмеркаваць работу будаўнічай галіны", - адзначыў кіраўнік дзяржавы ў пачатку нарады.

Аляксандр Лукашэнка канстатаваў, што зараз у краіне спрабуюць "раскачаць" працоўныя калектывы. "Вы гэта добра ведаеце, адчуваеце. Вядома, працоўныя калектывы - гэта аснова нашай краіны. Вы маю пазіцыю ведалі і ведаеце. У часы пандэміі, калі я практычна забараніў звальняць людзей, выкідваючы іх на вуліцу. Цяжка, складана, але і зараз няпроста. Малайцы будаўнікі, у іх прасцей сітуацыя, яны ўсе заняты справай. Але, тым не менш, спрабуюць і будаўнікоў там "пахістаць" і так далей. Наша пазіцыя адназначная: мы ў цяжкія часы пандэміі нікога не "нахілялі", не прымушалі. І тут таксама мы нікога не павінны трымаць. Калі людзі хочуць працаваць - калі ласка. Вось работа, прыходзьце, працуйце. Калі чалавек не хоча працаваць, мы ж яго на аркане не зацягнем", - адзначыў Прэзідэнт.

Аб магчымых наступствах забастовак кіраўнік дзяржавы распавёў на канкрэтных прыкладах. У выпадку з "Беларуськаліем", калі спыніць гэтае нармальна працуючае прадпрыемства на некалькі дзён, то гэта будзе на руку асноўным канкурэнтам у Расіі і Канадзе. "Калі яны забастуюць на два дні, то канкурэнты - расіяне і канадцы - перакрыжацца. І хутка на рынак паставяць тое, што яны хочуць паставіць", - сказаў Аляксандр Лукашэнка.

Аналагічна і ў дачыненні да працы машынабудаўнічых прадпрыемстваў, такіх як МТЗ, МАЗ і іншыя. "Радзі бога. Вы сёння не вырабіце 10 трактароў, не паставіце на рынак, заўтра немцы прыедуць з амерыканцамі, прывязуць сваю тэхніку расіяне. Тожа перакрысцяцца", - адзначыў Прэзідэнт.

Ён падкрэсліў, што эканоміка ў свеце толькі пачынае ажываць пасля абмежаванняў, звязаных з пандэміяй. "І ўсе змагаюцца за гэтыя рынкі. Калі мы спынімся, ніколі не раскруцім сваю вытворчасць. Ніколі! Нас яшчэ ў гэтае балота і падштурхнуць. Людзям трэба гэта патлумачыць: хочаце - страйкуйце, хочаце працаваць - працуйце".

"Як мне далажылі, на МАЗе ці МТЗ быў прыклад адзін: там 20 чалавек вырашылі выказаць сваё меркаванне, кінулі працу і пайшлі. Заўпрадвытворчасцю кажа: добра, ідзіце хлопцы, у мяне людзей хапае, усё гэта зарплата вось гэтых людзей. Загарнуліся, зваротна пайшлі на працу", - адзначыў кіраўнік дзяржавы.

"Людзям трэба сказаць, што гэта адзіны шанец у іх выратаваць прадпрыемства. Ратуючы прадпрыемства, будзеш карміць сваю сям'ю. На вуліцы можна пахадзіць. Вунь іх, тысячамі ходзяць. Можна далучыцца, пахадзіць. Але там грошай калі і дадуць, то на два дні. Там некаторым прыплачваюць. Мы іх ведаем, мы паказвалі іх. Ну на два дні дадуць. А потым што?" - заўважыў Аляксандр Лукашэнка.

"З такой пазіцыі трэба падыходзіць да людзей, у тым ліку ў будаўнічай галіне. Таму што будаўнікі - гэта прасунуты, баявіты народ. Але ім трэба адкрываць вочы, што будзе потым. У нас будаўнікі пастаянна былі ў балоце. Мы іх выцягвалі, ужо ў які раз, за вушы. Заказы з'явіліся, праца з'явілася, прырост з'явіўся вытворчасці - працуйце", - рэзюмаваў Прэзідэнт.