Прэзідэнт Беларусі Аляксандр Лукашэнка сёння падчас рабочай паездкі ў Лагойскі раён запатрабаваў разабрацца з недысцыплінаванасцю і невыкананнем у сельскай гаспадарцы, перадае карэспандэнт БЕЛТА.
Прэзідэнт Беларусі Аляксандр Лукашэнка сёння падчас рабочай паездкі ў Лагойскі раён запатрабаваў разабрацца з недысцыплінаванасцю і невыкананнем у сельскай гаспадарцы, перадае карэспандэнт БЕЛТА.
У гаспадарцы "Астрашыцы" кіраўніку дзяржавы далажылі аб перспектывах развіцця збожжаўборачнага камбайнабудавання. Нагодай для мерапрыемства стаў незвычайны юбілей: напярэдадні споўнілася 25 гадоў, як на "Гомсельмашы" па даручэнні Прэзідэнта пачалі выпускаць беларускія камбайны.
"Мерапрыемства некалькі сімвалічнае. Але прысвечана вельмі важнаму этапу ў развіцці нашай дзяржавы. Нават не сельскай гаспадаркі. Мы добра памятаем, калі людзям есці нечага было, людзей трэба было накарміць. А без хлеба як? Здарылася так, што нейкі хлеб у полі быў, а прыбіраць яго не было чым. І вось тады прымаліся сур'ёзныя рашэнні ў плане таго, чым прыбіраць хлеб", - адзначыў Аляксандр Лукашэнка.
Пры гэтым кіраўнік дзяржавы не змог абысці бокам і негатыўныя моманты, адзначыўшы безнаглядныя адносіны да тэхнікі і ўраджаю падчас уборкі. "Мы ўмеем усё рабіць, але гэтая бязладзіца, недысцыплінаванасць, невыкананне - гэта катастрофа. З гэтым трэба заканчваць", - запатрабаваў Прэзідэнт.