Прэзідэнт Беларусі Аляксандр Лукашэнка 23 студзеня падпісаў указы аб вызваленні ад пасад Максіма Ермаловіча і Валянціна Татарыцкага, якія прыступаюць да працы ў новым складзе Калегіі Еўразійскай эканамічнай камісіі. Пра гэта БЕЛТА паведамілі ў прэс-службе кіраўніка дзяржавы.
Максім Ермаловіч вызвалены ад пасады намесніка кіраўніка Адміністрацыі Прэзідэнта Рэспублікі Беларусь. У ЕЭК ён зойме пост члена Калегіі (міністра) па канкурэнцыі і антыманапольным рэгуляванні.
Валянцін Татарыцкі вызвалены ад пасады старшыні Дзяржаўнага камітэта па стандартызацыі. Ён будзе працаваць у якасці члена Калегіі (міністра) па тэхнічным рэгуляванні ЕЭК.
Крыніца: belta.by