Лукашэнка наведвае з рабочай паездкай Слуцкі раён

23 кастрычніка, Слуцкі раён /Кар. БЕЛТА/. Прэзідэнт Беларусі Аляксандр Лукашэнка здзяйсняе сёння рабочую паездку ў Слуцкі раён Мінскай вобласці, паведамляе БЕЛТА.

Кіраўнік дзяржавы азнаёміцца з ходам уборачнай кампаніі ў цэлым па краіне і ў рэгіёне ў прыватнасці. Размова пойдзе ў тым ліку пра арганізацыю ўборкі кукурузы.

Прэзідэнт наведае сельскагаспадарчы філіял ААТ "Слуцкі сыраробны камбінат" і МТК "Ванькаўшчына", дзе яму даложаць аб новых падыходах да будаўніцтва малочна-таварных комплексаў у Мінскай вобласці.

Сельгасарганізацыі Мінскай вобласці плануюць пабудаваць у 2021 годзе 17 малочна-таварных комплексаў магутнасцю не менш за 800 галоўдойнага статка. Гэта плануецца зрабіць па інвестыцыйнай праграме з дзяржпадтрымкай. Фінансавацца будаўніцтва аб'ектаў будзе роўнымі долямі з абласнога і рэспубліканскага бюджэтаў. Даільна-малочнае абсталяванне і халадзільнікі будуць набывацца на ўмовах лізінгу праз ААТ "Прамагралізінг". Будаўніча-мантажныя работы і завяршэнне работ на аб'ектах будуць праводзіць сельскагаспадарчыя арганізацыі за кошт уласных сродкаў.

Побач з існуючымі комплексамі плануецца ўзводзіць новыя памяшканні для ўтрымання дайной статка і даільна-малочны блок. А старыя памяшканні - рэканструяваць для ўтрымання часткі кароў і маладняку. Сродкі на ўзвядзенне МТК плануецца зэканоміць, знізіўшы затраты на будаўніцтва інжынернай і транспартнай інфраструктуры, сіласную-сянажныя траншэі, памяшканні для вырошчвання маладняку.

Што тычыцца ўраджаю кукурузы, сёлета ў Беларусі павялічаны плошчы пасеву, узрасце, адпаведна, і вытворчасць збожжа кукурузы на кармавыя мэты. У сярэднім за апошнія пяць гадоў яго сярэднегадавы аб'ём быў 865 тыс. т, а сёлета чакаецца не менш за 1,3 млн т збожжа кукурузы.

Акрамя таго, дзякуючы рэалізацыі інвестыцыйных праектаў па будаўніцтве кукурузакалібравальных заводаў сёлета 52% пасеваў кукурузы ў краіне высеяна айчыннымі гібрыдамі.-0-