Кіраўнік дзяржавы Аляксандр Лукашэнка павіншаваў народнага пісьменніка Беларусі Мікалая Чаргінца з 85-годдзем. Пра гэта БЕЛТА паведамілі ў прэс-службе беларускага лідара.
Кіраўнік дзяржавы Аляксандр Лукашэнка павіншаваў народнага пісьменніка Беларусі Мікалая Чаргінца з 85-годдзем. Пра гэта БЕЛТА паведамілі ў прэс-службе беларускага лідара.
"Ваша жыццё - яркі прыклад служэння свайму народу і Радзіме. Ваеннае ліхалецце, праца ў праваахоўных органах, выкананне інтэрнацыянальнага доўгу ў Афганістане, непасрэдны ўдзел у стварэнні Саюза Беларусі і Расіі, прадстаўленне інтарэсаў нашай рэспублікі ў ААН - вехі вялікага шляху, якія знайшлі адлюстраванне ў вашай творчасці", - гаворыцца ў віншаванні.
Прэзідэнт адзначыў, што Мікалай Чаргінец з'яўляецца адным з самых папулярных сучасных беларускіх пісьменнікаў. Больш за паўсотні яго кніг перакладзены на 18 замежных моў. Гледачы высока ацанілі мастацкія кінафільмы, створаныя па раманах пісьменніка "Бяг ад смерці", "Вам - заданне", "Маёр Ветраў".
"Грамадзянская пазіцыя і аўтарытэт дазволілі захаваць і развіць грамадскае аб'яднанне "Саюз пісьменнікаў Беларусі", якое вы ўзначальвалі больш за 15 гадоў, - падкрэсліў кіраўнік дзяржавы. - Упэўнены, што і надалей як ганаровы старшыня СПБ і сустаршыня Саюза пісьменнікаў Саюзнай дзяржавы вы працягнеце працу па кансалідацыі грамадства на аснове патрыятызму, адзінства і згоды".
Аляксандр Лукашэнка пажадаў Мікалаю Чаргінцу моцнага здароўя, невычарпальнага творчага натхнення, шчасця і дабрабыту.
Крыніца: belta.by