Прэзідэнт Беларусі Аляксандр Лукашэнка павіншаваў з юбілеем першага віцэ-прэзідэнта Азербайджана Мехрыбан Аліеву. Пра гэта БЕЛТА паведамілі ў прэс-службе беларускага лідара.
"Ажыццяўляемая Вамі шматгранная дзяржаўная і грамадска-палітычная дзейнасць нязменна накіравана на дабро чалавека, а Вашы прафесіяналізм, арганізатарскі талент, невычарпальная жыццёвая энергія і абаяльнасць заслужана здабылі Вам аўтарытэт і прызнанне ў Азербайджанскай Рэспубліцы і за яе межамі. Даражу дасягнутым узроўнем партнёрства паміж Мінскам і Баку, які адрозніваецца высокай ступенню ўзаемнага даверу, цеснымі кантактамі ў розных галінах і вялікай стратэгічнай значнасцю", - падкрэсліў Аляксандр Лукашэнка.
Кіраўнік дзяржавы выказаў упэўненасць, што рэалізацыя маштабных планаў па нарошчванні ўсяго комплексу беларуска-азербайджанскіх адносін у поўнай меры адпавядае інтарэсам братніх народаў.
"Шчыра жадаю Вам, паважаная Мехрыбан Арыеўна, і Вашым блізкім добрага здароўя, шчасця і далейшых поспехаў у справах, а ў сям'і няхай вечна пануюць радасць, любоў і гармонія", - гаворыцца ў віншаванні.