Добрым прыкладам інтэлектуальнай кааперацыі беларускіх і томскіх навукоўцаў можа стаць рэалізацыя праекта па вытворчасці транзістараў для аэракасмічнага і спецыяльнага прызначэння. Пра гэта Прэзідэнт Беларусі Аляксандр Лукашэнка заявіў на сустрэчы з губернатарам Томскай вобласці Расіі Уладзімірам Мазуром, перадае карэспандэнт БЕЛТА.
Сёння Томская вобласць уваходзіць у тройку лідараў нацыянальнага навукова-тэхналагічнага рэйтынгу Расіі, а горад Томск называюць студэнцкай сталіцай. Паміж установамі адукацыі Беларусі і Томскай вобласці дзейнічаюць 25 дагавораў аб супрацоўніцтве, выконваецца шэраг сумесNых навукова-даследчых праектаў.
"Аднак, мяркую, патэнцыял узаемадзеяння ў адукацыі і навуцы далёка не раскрыты. Мы павінны пісьменна і рацыянальна выкарыстоўваць найвышэйшыя кампетэнцыі адзін аднаго, - падкрэсліў Прэзідэнт. - Добрым прыкладам такой інтэлектуальнай кааперацыі можа стаць рэалізацыя вашымі навукоўцамі сумесна з нашай Акадэміяй навук і кампаніямі праекта па вытворчасці транзістараў для аэракасмічнага і спецыяльнага прызначэння, што вельмі актуальна".