Прэзідэнт Беларусі Аляксандр Лукашэнка прыбыў з рабочым візітам у Аб'яднаныя Арабскія Эміраты, паведамляе БЕЛТА.
У бліжэйшыя дні ў Дубаі пад эгідай Арганізацыі Аб'яднаных Нацый пройдзе Сусветны саміт па барацьбе са змяненнем клімату. У глабальным форуме плануецца шырокі ўдзел першых асоб - унушальны і прадстаўнічы склад дэлегацый.
Раней у прэс-службе Прэзідэнта паведамілі, што Аляксандр Лукашэнка на саміце агучыць падыходы і прапановы Беларусі па вырашэнні глабальных пытанняў кліматычнай і экалагічнай бяспекі. На палях саміту кіраўнік дзяржавы правядзе шэраг сустрэч і перамоваў.
Канферэнцыя будзе праходзіць амаль праз восем гадоў пасля заключэння Парыжскага пагаднення і на паўдарозе да рэалізацыі парадку дня да 2030 года.
Як вынікае са справаздач ААН, свет не дасягнуў мэтаў Парыжскага пагаднення, але ёсць надзея, што сусветныя лідары створаць на саміце дарожную карту для паскарэння дзеянняў па барацьбе са змяненнем клімату. Якую працу ў гэтым напрамку праводзіць Беларусь, у інтэрв'ю БЕЛТА нядаўна распавёў міністр прыродных рэсурсаў і аховы навакольнага асяроддзя Андрэй Худык.
Крыніца: belta.by