Прэзідэнт Беларусі Аляксандр Лукашэнка правёў сустрэчу з Прэзідэнтам Інданезіі Прабова Субіянта, перадае карэспандэнт БЕЛТА.
Размова доўжылася амаль тры гадзіны. За гэты час лідары абмеркавалі максімальна шырокае кола тэм. Прэзідэнты сустрэліся ў неафіцыйнай абстаноўцы - Аляксандр Лукашэнка запрасіў інданезійскага калегу дадому.
"Для мяне вялікі гонар быць прынятым у вашым доме", - сказаў Прэзідэнт Інданезіі.
"Спадар Прэзідэнт, пасля аднаўлення гэтага дома (гэта быў дом вайскоўцаў) да вас толькі Прэзідэнт Пуцін тут дома быў. Вельмі-вельмі даўно, яшчэ да яго аднаўлення, - Сі Цзіньпін з сям'ёй. Таму вось тры такія вялікія людзі разам з вамі тут у мяне былі ў гасцях", - сказаў Аляксандр Лукашэнка.
"Я рады вітаць вас тут, у гэтым доме, і гатовы з вамі абмеркаваць усе пытанні, якія могуць быць у парадку дня нашых адносін", - дадаў беларускі лідар.
У сваю чаргу Прабова Субіянта сказаў: "Яшчэ раз вялікі дзякуй, паважаны спадар Прэзідэнт, што вы прымаеце мяне ў сваім доме. Для мяне гэта вялікі гонар. Я вельмі спадзяюся, што ў бліжэйшы час вы знойдзеце магчымасць наведаць і мой дом у Інданезіі".