Прэзідэнт Беларусі Аляксандр Лукашэнка праводзіў свайго калегу і сябра Прэзідэнта Зімбабвэ Эмерсана Мнангагву ў аэрапорце, перадае карэспандэнт БЕЛТА.
Прэзідэнты ў аэрапорце правялі сустрэчу, падчас якой падвялі вынікі працоўнага візіту лідара Зімбабвэ ў Беларусь.
Аляксандр Лукашэнка падкрэсліў, што менавіта дзякуючы асабістаму ўкладу Эмерсана Мнангагвы паміж Беларуссю і Зімбабвэ дасягнуты цяперашні высокі ўзровень адносін.
"Мы вельмі рады быць тут. І вельмі рады дынаміцы адносін, якія развіваюцца паміж Зімбабвэ і Беларуссю", - сказаў Прэзідэнт Зімбабвэ.
У ходзе сяброўскай размовы кіраўнікі дзяржаў не абышлі бокам і надвор'е - цяперашні май у Беларусі выдаўся дастаткова прахалодным. "Вам давядзецца зноў рэакліматызавацца на радзіме. Але і ў вас зіма там", - заўважыў кіраўнік беларускай дзяржавы.
Эмерсан Мнангагва пацвердзіў, што цяпер у Зімбабвэ сапраўды зімовы перыяд, і часам па мясцовых мерках вельмі прахалодна. "Але беларускае надвор'е для нас вельмі камфортнае", - запэўніў ён.
"Гэта сведчыць аб тым, што вам трэба часцей бываць у Беларусі", - сказаў у адказ Аляксандр Лукашэнка.
Лідары краін цёпла развіталіся. Эмерсан Мнангагва падзякаваў за выдатную арганізацыю візіту і запрасіў Аляксандра Лукашэнку ў найбліжэйшы час здзейсніць адказны візіт у Зімбабвэ. "Вялікі дзякуй! Я забяру самыя лепшыя ўспаміны", - сказаў на развітанне Прэзідэнт Зімбабвэ.
Напярэдадні ў Палацы Незалежнасці Аляксандр Лукашэнка і Эмерсан Мнангагва правялі перамовы з удзелам членаў урадаў дзвюх краін. Абмяркоўвалі перш за ўсё развіццё прамысловай кааперацыі і стварэнне супольных прадпрыемстваў, развіццё гандлю не толькі з Зімбабвэ, але - з яе пляцоўкі - і з іншымі краінамі рэгіёну, узаемадзеянне ў ахове здароўя, адукацыі, укараненні сучасных тэхналогій. Аляксандр Лукашэнка прапанаваў актывізаваць супрацоўніцтва паміж ЕАЭС і Супольнасцю развіцця Поўдня Афрыкі - Беларусь і Зімбабвэ сёлета старшынствуюць у гэтых інтэграцыйных аб'яднаннях.
Арыенцір на $100 млн. Лукашэнка заявіў аб адчувальных практычных выніках у супрацоўніцтве з Зімбабвэ
Падпісаны пакет двухбаковых дакументаў. У яго аснове - дарожная карта на 2026-2030 гады, у якой улічаны ўсе ключавыя супольныя праекты ў розных сферах.
Дарожная карта стратэгічнага супрацоўніцтва і партнёрства да 2030 года падпісана паміж Беларуссю і Зімбабвэ
Беларусь і Зімбабвэ падпісалі пакет дакументаў па выніках перамоваў Лукашэнкі і Мнангагвы
Лідар Зімбабвэ прыбыў у Беларусь яшчэ 11 мая. За мінулыя дні ён пабываў у Белавежскай пушчы, наведаў мемарыяльны комплекс "Брэсцкая крэпасць-герой", дзе ўсклаў кветкі да Вечнага агню, а таксама азнаёміўся з працай прадпрыемства "Савушкін прадукт" і высока ацаніў выкарыстаныя ў Беларусі тэхналогіі перапрацоўкі малака.
Шэраг двухбаковых мерапрыемстваў на палях візіту таксама прайшлі на ведамасным узроўні, па лініі прадпрыемстваў, грамадскіх арганізацый, дзелавых колаў.