Прэзідэнт Беларусі Аляксандр Лукашэнка арыентуе новых кіраўнікоў мясцовай вертыкалі ўлады на чулае стаўленне да людзей і патрабуе надаць прыярытэтную ўвагу пытанням эканамічнага развіцця. Пра гэта ён заявіў, прымаючы кадравыя рашэнні, перадае карэспандэнт БЕЛТА.
"Што тычыцца людзей, мы перажылі 2020 год. Я часта да гэтай праблемы звяртаюся. Гэта быў для нас добры ўрок. Вы ўсе пры гэтым былі на розных пасадах. Цяпер вы кіраўнікі сваіх раёнаў і абласцей. Не забудзьце гэтыя ўрокі. Не думайце, што ўсё ўціхамірылася. Дай бог прайсці нам вось гэты перыяд у нашым жыцці ціха і спакойна. У гэтым наша задача. Пройдзем, калі будзе працаваць эканоміка", - сказаў беларускі лідар.
"Як я часта кажу, вы, калі ласка, дайце мне эканоміку, каб людзі былі забяспечаны настолькі, наколькі трэба. Каб прадпрыемствы працавалі, працоўныя месцы былі. Усё астатняе за мной. Гэта ваша задача. Ну і вельмі чула і ўважліва ставіцеся да людзей", - дадаў Аляксандр Лукашэнка.
Крыніца: belta.by