Краіна багатая тады, калі ёсць кемлівыя, працавітыя людзі. Пра гэта Прэзідэнт Беларусі Аляксандр Лукашэнка заявіў на цырымоніі ўзнагароджання выпускнікоў і выкладчыкаў устаноў вышэйшай адукацыі, перадае карэспандэнт БЕЛТА.
Пасля ўручэння падзяк Прэзідэнта Аляксандр Лукашэнка зноў звярнуўся да выпускнікоў і выкладчыкаў: "Яшчэ раз дзякую вас за ўсё тое, што вы зрабілі на гэтым этапе свайго жыцця. Нашых выкладчыкаў - за тое, што яны выгадавалі такое пакаленне".
"Я, калі гляджу на нашых выдатных дзяўчат і юнакоў, думаю: усе б такія былі, у нас бы ніколі не было праблем. І мы былі б багатымі. Таму што краіна багатая тады, калі ёсць кемлівыя, працавітыя людзі, а не толькі тое, што Гасподзь у зямлю паклаў. Таму ў нас ёсць вы - ёсць будучыня краіны", - падкрэсліў беларускі лідар.