7 сакавіка, Мінск /Кар. БЕЛТА/. Жанчына з яе мудрасцю і ўнутранай сілай з'яўляецца той асновай, на якой трымаецца свет. Аб гэтым гаворыцца ў віншаванні Прэзідэнта Беларусі Аляксандра Лукашэнкі, адрасаваным суайчынніцам з нагоды Дня жанчын, паведамілі БЕЛТА ў прэс-службе беларускага лідара.
"Нашы мілыя і любімыя мамы, бабулі, сёстры, жонкі, дочкі і супрацоўніцы! У гэты цудоўны час прыходу доўгачаканай вясны мне хочацца ад імя ўсіх беларускіх мужчын павіншаваць вас з Днём жанчын, – гаворыцца ў віншаванні. – Крыніца жыцця, пачатак усіх пачаткаў, Жанчына з яе мудрасцю і ўнутранай сілай з'яўляецца той асновай, на якой трымаецца свет. Вы натхняеце нас на подзвігі і адкрыцці, умееце ашчаслівіць позіркам і спыніць варожасць словам, дорыце чалавецтву бессмяротнасць, заключаную ў дзецях. Нездарма самыя запаветныя для кожнага словы - Зямля, Радзіма, Беларусь - маюць жаночы род".
"Сёння вы – адна з галоўных рухаючых сіл паспяховага сацыяльна-эканамічнага развіцця краіны, падтрымання палітычнай стабільнасці ў грамадстве, навуковага і культурнага прагрэсу. Вашы веды, талент і велізарнае працалюбства даюць бліскучыя вынікі ў розных сферах. І пры гэтым вы не губляеце душэўнасці, софт і прыгажосці, застаецеся добрымі маці, жонкамі і гаспадынямі, вернымі і надзейнымі спадарожніцамі", – адзначыў кіраўнік дзяржавы.
Аляксандр Лукашэнка таксама адрасаваў жанчынам словы захаплення, падзякі і пакланення за тое, што яны робяць для сваёй сям'і і для ўсёй краіны. "Няхай у вашых дамах пануюць згода і дастатак, ніколі не змоўкае дзіцячы смех і квітнее цудоўнае зямное каханне. Здароўя, поспехаў, шчасця і дабра вам і вашым блізкім", – пажадаў Прэзідэнт.-0-