13 снежня, Мінск /Кар. БЕЛТА/. У Беларусі ўстаноўлены гранічныя максімальныя тарыфы на паслугі па прафілактычных і абавязковых медыцынскіх аглядах. Адпаведная пастанова Міністэрства аховы здароўя афіцыйна апублікавана 13 снежня на Нацыянальным прававым партале Беларусі, паведамляе БЕЛТА. Гранічныя максімальныя тарыфы ўстаноўлены на паслугі па прафілактычных і абавязковых медыцынскіх аглядах для атрымання медыцынскай даведкі, якая пацвярджае адсутнасць проціпаказанняў да валодання зброяй, прыдатнасць да кіравання механічнымі транспартнымі сродкамі, самаходнымі машынамі, маламернымі судамі, а таксама па іншых відах медыцынскіх асведчанняў і экспертыз, якія праводзяцца па жаданні грамадзян. Цэны на паслугі, якія ўваходзяць у агляд, падняліся на Br2-4 тыс. Так, калі раней агляд у тэрапеўта каштаваў Br5 500, то цяпер ён абыдзецца ў Br8 250, неўролага - Br8 300 (замест Br5 550), афтальмолага - Br9 050 (Br6 050), отарыналарынголага - Br8 150 (Br5 450). Візіт да хірурга абыдзецца ў Br7 550 (замест Br5 050), акушэра-гінеколага - Br14 550 (Br9 700), уралога - Br10 100 (Br6 750), фтызіятра - Br9 750 (Br6 550), псіхіятра-нарколага - Br10 200 (Br6 800). Агляд інфекцыяніста будзе каштаваць Br9 750 (замест Br6 550), дерматовенералога - Br14 300 (Br9 550), анкалога - Br13 100 (Br8 750), стаматолага - Br10 850 (Br7 250).-0-

БЕЛТА