Медыцынскую дапамогу ў Беларусі атрымалі грамадзяне 128 краін свету, паведамляе БЕЛТА са спасылкай на даныя Міністэрства аховы здароўя.
Медыцынскую дапамогу ў Беларусі атрымалі грамадзяне 128 краін свету, паведамляе БЕЛТА са спасылкай на даныя Міністэрства аховы здароўя.
У тых, хто прыязджае з-за мяжы, найбольш запатрабаваны такія віды медыцынскай дапамогі, як кардыё-, нейра- і унутрысасудзістая хірургія, эндаскапічныя аперацыі, эндапратэзаванне, лячэнне анкалагічных захворванняў, стаматалогія, афтальмалогія, рэпрадуктыўная медыцына, дыягнастычныя абследаванні, прафілактычнае лячэнне, аднаўленне пасля перанесеных захворванняў.
Беларусь уваходзіць у лік 50 лепшых краін свету па вядзенні цяжарнасці, арганізацыі родаў кваліфікаваным медыцынскім персаналам. Па колькасці арганнай трансплантацыі на 1 млн насельніцтва Беларусь з'яўляецца лідарам на постсавецкай прасторы і апярэджвае многія еўрапейскія краіны. У краіне выконваецца 50 трансплантацый на 1 млн насельніцтва (у сярэднім па Еўропе - 55,9, у Расіі - 10,1, ва Украіне - 3,2). Даступнасць аперацый на адкрытым сэрцы ў рэспубліцы склала 360 на 1 млн насельніцтва. Колькасць аперацый аортакаранарнага шунтавання дасягнула ў 2016 годзе 1813.
У мінулым годзе ў арганізацыях сістэмы Мінздароўя медуслугі атрымалі больш за 150 тыс. замежных грамадзян, за студзень-сакавік бягучага года было пралечана больш за 32 тыс. замежнікаў.
У 2016 годзе экспартавана медыцынскіх паслуг праз усе каналы рэалізацыі на $35,2 млн (у 2015 годзе - на $33,5 млн). Тэмп росту экспарту медуслуг у студзені-сакавіку 2017 года склаў 106% ($8,4 млн), больш чым у 2 разы павялічаны экспарт у Літву, Грузію, Польшчу.