Вось і скончыўся купальны сезон, пляжы апусцелі, аднак вадаёмы па-ранейшаму застаюцца сярод папулярных і даступных відаў адпачынку для многіх. Хтосьці рыбачыць з берага, хтосьці чакае трывалага ледаставу, каб адправіцца на зімовую рыбалку, ну а некаму зручней і цікавей лавіць рыбу з лодкі. Не варта забываць, што рыбалка з лодкі столькі прыемная, столькі і небяспечная. Адзін неасцярожны рух – і можна апынуцца ў халоднай вадзе. Нярэдка такія выпадкі, на жаль, заканчваюцца трагічна. Вось чаму ОСВАД і ДІМС патрабуюць ад рыбакоў выходзіць на рыбалку ў апранутых выратавальных камізэльках і ні ў якім выпадку не садзіцца ў лодку ў нецвярозым стане.

      Няшчасныя выпадкі пры рыбалцы з лодкі не вельмі частыя, але тым не менш адбываюцца рэгулярна. Толькі за 9 месяцаў 2024 года пры падзенні з лодкі на тэрыторыі Віцебскай вобласці патанула 3 грамадзяніна. Прычына няшчасных выпадкаў застаецца нязменнай – невыкананне мер бяспекі на вадзе.

          Усе прыклады гавораць пра тое, што да рыбалкі з лодкі трэба падыходзіць з усёй адказнасцю, сачыць як за тэхнічным станам лодкі, так і за сваім рыштункам, а самае галоўнае – выконваць меры бяспекі на вадзе пры выкарыстанні лодак. У абавязковым парадку падчас руху лодкі як суднаводнік, так і пасажыры абавязаны знаходзіцца ў маламерным судне ў зашпіленым выратавальным камізэльцы.

          Кожны суднаводнік абавязаны памятаць наступныя правілы на вадзе пры выкарыстанні маламернага судна:

– на маламерным судне дзеці могуць знаходзіцца толькі пры ўмове, што іх колькасць адпавядае колькасці дарослых, якія ўмеюць плаваць;

– на ўсіх людзях, якія знаходзяцца на судне, павінны быць апрануты выратавальныя камізэлькі;

– пасадку ў лодку і высадку з яе трэба праводзіць па адным чалавеку, асцярожна ступаючы пасярэдзіне насцілу;

– нельга падстаўляць борт маламернага судна пад хвалю, якая ідзе паралельна (ставаць бокам да хвалі) – трэба ісці носам на хвалю;

- нельга падчас руху судна сядзець на бартах, уставаць ва ўвесь рост, можна лёгка ўпасці за борт і апынуцца ў вадзе:

– калі маламернае судна перакулілася, перш за ўсё, неабходна аказаць дапамогу людзям, якія не ўмеюць плаваць.

Калі Вы сталі сведкам здарэння на вадзе, акажыце пасільную дапамогу, паведаміце ў службу “101, 112”.

Начальнік Лепельскай выратавальнай станцыі                       Міхно І.А.