Месяц пажарнай бяспекі

З мэтай папярэджання пажараў і гібелі людзей на іх з 1 па 31 сакавіка ў Лепельскім раёне праводзіцца месячнік па навучанні насельніцтва правілам пажарнай бяспекі ў быце і на вытворчасці. Дадзены месячнік уключае цэлы комплекс мерапрыемстваў па актывізацыі прафілактычнай працы, накіраванай на забеспячэнне супрацьпажарнага стану аб'ектаў, тэрыторый населеных пунктаў і жыллёвага фонду. Асноўная ўвага месячніка накіравана на правядзенне прафілактычнай працы і абследаванне домаўладанняў адзінокіх пенсіянераў, інвалідаў, шматдзетных сем'яў і так званай групы рызыкі, у якую ўваходзяць неспрыяльныя сем'і, грамадзяне, якія злоўжываюць спіртнымі напоямі, а таксама сем'і, у якіх дзеці выхоўваюцца ў неналежных умовах. На працягу месяца сіламі асабовага складу МНС, аглядальных камісій, участковых інспектараў міліцыі, работнікаў аддзелаў сацабеспечання, пазаштатных пажарных фарміраванняў плануецца правядзенне штодзённых праверак жыллёвага фонду з правядзеннем пажарна-тэхнічных абследаванняў жылых дамоў дадзенай катэгорыі грамадзян. Таксама асноўным напрамкам месячніка з'яўляецца правядзенне заняткаў па навучанні правілам пажарнай бяспекі на прадпрыемствах і ў навучальных установах. Плануецца правядзенне навучання асновам бяспекі жыццядзейнасці і мерам па недапушчэнні пажараў і НС сацыяльных работнікаў, работнікаў хуткай медыцынскай дапамогі, работнікаў службаў ЖКГ і іншых спецыялістаў для правядзення прафілактычнай працы. Будуць арганізаваны выступленні работнікаў МНС у школах, на бацькоўскіх сходах, асноўная ўвага якіх павінна быць накіравана на прафілактыку пажараў па прычыне дзіцячай шаласці з агнём і правядзенне тлумачальнай працы аб недапушчальнасці пакідання дзяцей без нагляду. Асаблівая ўвага пры правядзенні абследаванняў жыллёвага фонду будзе ўдзяляцца стану печанай ацяплення і электраправодкі ў домаўладаннях грамадзян. На аснове аналізу правераных у рамках месячніка жылых дамоў будуць падрыхтаваны і накіраваны інфармацыю на адрас усіх зацікаўленых суб'ектаў прафілактыкі па ўсіх праблемных пытаннях. На асаблівым кантролі пры гэтым будзе выкананне работ па рамонце няспраўнага печанага ацяплення і электраправодкі ў жылых дамах адзінокіх, састарэлых, неспрыяльных грамадзян, інвалідаў. У сувязі з гэтым, Лепельскі РАНС звяртаецца да жыхароў раёна з просьбай прыняць усе меры па прывядзенні ў пажарабяспечны стан жыллёвага фонду. Памятайце аб тым, што кошт затрачаных сродкаў на рамонт печаў і электраправодкі ў вашых дамах непараўнальны з цаной

да тых наступстваў, да якіх прыводзяць пажары.