VII Міжнародны эканамічны форум "Інавацыі. Інвестыцыі. Перспектывы" пройдзе 17-18 мая ў Віцебску, паведамілі карэспандэнту БЕЛТА ў Віцебскім абласным цэнтры маркетынгу.
VII Міжнародны эканамічны форум "Інавацыі. Інвестыцыі. Перспектывы" пройдзе 17-18 мая ў Віцебску, паведамілі карэспандэнту БЕЛТА ў Віцебскім абласным цэнтры маркетынгу.
Сёлетні форум разгорне сваю працу ў Летнім амфітэатры. У першы дзень пройдуць пленарнае пасяджэнне, круглыя сталы, двухбаковыя і шматбаковыя сустрэчы, дыскусіі, прысвечаныя рэальнаму сектару эканомікі вобласці, інвестыцыям у інфраструктуру, перавагам працы для інвестараў у СЭЗ "Віцебск", а таксама праблемам і магчымасцям для бізнесу ў сферы зялёнай эканомікі і энергетыкі. Шырока будзе прэзентаваны інвестыцыйны патэнцыял рэальнага сектара эканомікі Віцебскай вобласці, прадстаўлены перспектыўныя праекты раёнаў.
Удзел у мерапрыемстве пацвердзілі пасольствы Казахстана, Малдовы, Украіны, Сербіі, Славакіі, Літвы, Таджыкістана, В'етнама, Ізраіля, Турцыі, пасольскія прадстаўніцтвы Беларусі ў Літве і Латвіі. На форум прыбудуць дэлегацыі Расіі, у тым ліку з Масквы і Санкт-Пецярбурга, Латвіі, Польшчы, Літвы, Кітая, прадстаўнікі ААН (ПРААН), цэнтраў падтрымкі прадпрымальніцтва розных рэгіёнаў Расіі, кіраўнікі буйных прамысловых прадпрыемстваў Віцебскай вобласці.
У праграме - падпісанне шэрагу пагадненняў аб супрацоўніцтве і іншых мерапрыемстваў, накіраваных на актывізацыю міжнароднага супрацоўніцтва прадпрыемстваў і арганізацый Віцебскай вобласці, прыцягненне патэнцыйных інвестараў у рэгіён.
На другі дзень запланаваны наведванні гасцямі і ўдзельнікамі форуму прадпрыемстваў і раёнаў вобласці.
Арганізатарамі выступаюць Віцебскі абласны і гарадскі выканаўчыя камітэты, абласны цэнтр маркетынгу, адміністрацыя свабоднай эканамічнай зоны "Віцебск".