У Віцебску з 2 па 16 снежня праходзіць XXXIII Міжнародны музычны фестываль імя І.І. Салерцінскага. Адкрыўся музычны форум у абласной філармоніі канцэртам камернай музыкі ў выкананні лаўрэатаў міжнародных конкурсаў, артыстаў Санкт-Пецярбургскай акадэмічнай філармоніі імя Д.Д. Шастаковіча: скрыпача Іллі Казлова, піяніста Паўла Таўпіча, а таксама віяланчалісткі Дзяржаўнай акадэмічнай капэлы Санкт-Пецярбурга Наталлі Няскорамнай. У праграме канцэрта прагучалі творы вялікіх класікаў: Моцарта, Паганіні, Крэйслера, Бокерыні, Гайдна і Шастаковіча.

Крыніца: vitebsk-region.gov.by