XXX Міжнародны фестываль старадаўняй і сучаснай камернай музыкі пройдзе ў Полацку з 28 сакавіка па 27 красавіка, паведамілі БЕЛТА ў Нацыянальным Полацкім гісторыка-культурным музеі-запаведніку.
XXX Міжнародны фестываль старадаўняй і сучаснай камернай музыкі пройдзе ў Полацку з 28 сакавіка па 27 красавіка, паведамілі БЕЛТА ў Нацыянальным Полацкім гісторыка-культурным музеі-запаведніку.
У праграме фестывалю, які традыцыйна праходзіць у канцэртнай зале Сафійскага сабора, 7 канцэртаў. Чакаюцца выступленні музыкантаў з Беларусі, Германіі, Італіі, Францыі, Аўстрыі, Польшчы і Бразіліі.
Падчас першай канцэртнай праграмы фестывалю адбудзецца адкрыццё II Дзіцячага фартэпіяннага конкурсу "Бах і XXI стагоддзе". Акрамя гэтага, 28 сакавіка ў канцэртнай зале Сафійскага сабора пройдзе і фартэпіянны канцэрт нямецкай піяністкі Герлінды Ота.
Урачыстае адкрыццё юбілейнага фестывалю адбудзецца 4 красавіка - у Полацку выступіць Дзяржаўны акадэмічны сімфанічны аркестр Беларусі (дырыжор - народны артыст Беларусі Аляксандр Анісімаў). У канцэрце прагучаць творы праслаўленых рускіх кампазітараў Пятра Чайкоўскага і Сяргея Рахманінава. 7 красавіка ў Полацку чакаюць міжнародны калектыў пад назвай Auner Quartett, у склад якога ўвойдуць музыканты з Аўстрыі, Бразіліі, Польшчы і Беларусі. Чацвёрты канцэрт фестывальнай праграмы называецца "Душа на кончыку смычка" - музыканты з Беларусі і Францыі выканаюць творы Роберта Шумана, Іаганеса Брамса, Марыса Равеля і інш. 20 красавіка ў Полацку будзе гучаць музыка выдатных італьянцаў Антоніа Вівальдзі і Джавані Перголезі. У праграме таксама выступленне італьянскага арганіста Эудженіа Марыя Фаджыані і камернага аркестра "Еўропа-Цэнтр". Пад заслонай фестывалю 27 красавіка ў Сафійскім саборы з музыкай эпохі Адраджэння выступіць ансамбль старадаўняй музыкі The Playfords з Германіі.