Міністэрства аховы здароўя і БРСМ сёння падчас адкрытага дыялогу "Моладзь Беларусі: традыцыі і будучыня" падпісалі пагадненне аб супрацоўніцтве. Подпісы пад дакументам паставілі міністр аховы здароўя Васіль Жарко і першы сакратар ЦК БРСМ Андрэй Белякоў, перадае карэспандэнт БЕЛТА.
Міністэрства аховы здароўя і БРСМ сёння падчас адкрытага дыялогу "Моладзь Беларусі: традыцыі і будучыня" падпісалі пагадненне аб супрацоўніцтве. Подпісы пад дакументам паставілі міністр аховы здароўя Васіль Жарко і першы сакратар ЦК БРСМ Андрэй Белякоў, перадае карэспандэнт БЕЛТА.
Пагадненне будзе спрыяць рэалізацыі сумесных мерапрыемстваў, накіраваных на фарміраванне здаровага ладу жыцця моладзі, умацаванне сямейных каштоўнасцей і прафілактыку шкодных звычак, а таксама правядзенню розных акцый і іншых мерапрыемстваў у галіне аховы здароўя, у тым ліку па бязвыплатным донарстве крыві, яе кампанентаў. Дакумент накіраваны на забеспячэнне ўзаемадзеяння з грамадскімі арганізацыямі, якія працуюць у галіне аховы здароўя, у тым ліку грамадскімі арганізацыямі пацыентаў і іх бацькоў; арганізацыю мерапрыемстваў па вывучэнні гісторыі краіны, ушанаванні ветэранаў Вялікай Айчыннай вайны, былых работнікаў аховы здароўя.
Па словах Андрэя Белякова, гэта пагадненне паслужыць стымулам, каб маладыя людзі клапаціліся пра сваё здароўе, займаліся спортам. "У нашай краіне культывуецца здаровы лад жыцця, створаны сапраўды добрыя ўмовы, у тым ліку ў сферы медыцынскага абслугоўвання. Нашай медыцынай можна ганарыцца", - сказаў першы сакратар. Ён дадаў, што адным з напрамкаў дзейнасці арганізацыі з'яўляецца правядзенне спартыўных і іншых мерапрыемстваў з ухілам на здаровы лад жыцця, і важна, каб веды пра здаровы лад жыцця даваліся прафесіяналамі.
Сёння, у Сусветны дзень здароўя, адбыўся адкрыты дыялог "Моладзь Беларусі: традыцыі і будучыня" міністра аховы здароўя Васіля Жарко з актывам БРСМ устаноў адукацыі медыцынскага профілю. Па словах Васіля Жарко, такія сустрэчы дазваляюць студэнтам зразумець, што іх чакае ў перспектыве, чым трэба цяпер займацца.