Міхаіл Кісялевіч расказаў пра перспектывы развіцця Лепельскага раёна

2022 года пасеяна 8,2 тысячы гектараў азімых збожжавых культур, 3,5 тысячы гектараў азімага рапсу і рэпы. Зяблевая ворыва была праведзена на плошчы у 7,1 тысячы гектараў.

Прымаюцца захады па назапашванню пад вясновы сеў арганічных і мінеральных угнаенняў, вядуцца работы па рамонце тэхнікі. Запланавана будаўніцтва 2 будынкаў для утрымання маладняка буйной рагатай жывёлы на 200 галоў кожнае з лёгкаузводзімых канструкцый і 3 прафілакторыяў для утрымання цялят. На кантролі застаецца і работа па абнаўленні машынна-трактарнага парка.

— Міхаіл Леанідавіч, якія планы на гэты год па будаўніцтве шматкватэрных жылых дамоў?

— У 2022 годзе плануецца будаўніцтва не менш за 10,6 тысячы квадратных метраў жылля, у тым ліку з дзяржаўнай падтрымкай — 5,7 тысячы.

31 студзеня бягучага года быў уведзены ў эксплуатацыю 5-павярховы 40-кватэрны жылы дом №90в па вуліцы Калініна агульнай плошчай 2219 квадратных метраў, дзе палепшылі свае жыллёвыя умовы 34 сям'і, з якіх 24 — шматдзетныя.

Ужо узводзіцца 40-кватэрны жылы дом №3 па завулку Ялугіна, а таксама запланавана будаўніцтва 60-кватэрнага жылога дома па вул. М. Горкага.

У планах — распрацаваць праектна-каштарысную дакументацыю і пачаць будаўніцтва шматкватэрнага жылога дома па вул. Садовая ў вёсцы Домжарыцы.

Адным з асноўных напрамкаў дзейнасці райвыканкама з'яўляецца развіццё індывідуальнага жыллёвага будаўніцтва ў раёне — яно плануецца на ўзроўні 6,7 тысячы квадратных метраў.

— Як вядома, прыярытэтнымі задачамі органаў улады застаюцца навядзенне парадку на зямлі і добраўпарадкаванне населеных пунктаў…

— Значная работа па добраўпарадкаванні ў 2021 годзе праведзена ў горадзе Лепель і сельскіх населеных пунктах раёна. Так, быў праведзены рамонт участкаў дарожнага пакрыцця па вул. Чуйкова (перакрыжаванне вул. Будзённага і Максіма Горкага), вул. Варашылава (ад крамы «Санта» да вул. Інтэрнацыянальная), вул. Савецкая (ад вул. Будзённага да вул. Барысаўскі тракт і ад вул. Ульянка да аўташколы ДАСААФ).

Абустроены пешаходныя дарожкі па вуліцах Валадарскага, Лабанка, Інтэрнацыянальнай, Калініна (ад музея да вул. Інтэрнацыянальная і ў раёне кулінарнага камбіната), а таксама вул. Барысаўскі тракт (ад чыгуначнага пераезду да крамы «Лепелька») і ў раёне перакрыжавання вул. Інтэрнацыянальная — Партызанская.

Набыты і ўстаноўлены 2 дзіцячыя гульнявыя комплексы ў вёсках Бароўка і Домжарыцы.

Значную работу па прадухіленні інтэнсіўнага зносу пакрыцця, ліквідацыі дэфектаў, асфальтаванні і забеспячэнні бяспекі руху транспартных сродкаў на дарогах рэспубліканскага і абласнога значэння выконваюць філіял «ДЭУ №37» РУП «Віцебскаўтадар» і філіял «ДРБУ №202» КУП «Віцебскаблдарбуд». Гэтымі арганізацыямі ў 2021 годзе праведзены бягучы рамонт 12 кіламетраў дарог.

Асаблівую ўвагу надаюць азеляненню г. Лепеля і Лепельскага раёна. Усяго высаджана 1,4 тысячы дрэў і 2,5 тысячы кустоў.

Разам з тым ёсць шэраг праблем, якім у 2022 годзе выканаўчай уладай раёна будзе нададзена павышаная ўвага. Гэта ў першую чаргу рамонт дарожнага пакрыцця, выкананне юрыдычнымі і фізічнымі асобамі санітарнага і прыродаахоўнага заканадаўства, азеляненне раёна і іншыя пытанні, якія датычацца добраўпарадкавання і навядзення парадку на зямлі.

— Адной з базавых умоў эфектыўнага развіцця рэальнага сектара эканомікі і забеспячэння сацыяльнай стабільнасці — гэта інвестыцыі…

— Па выніках работы 2021 года ў эканоміку Лепельскага раёна прыцягнута 70,0 млн рублёў інвестыцый у асноўны капітал, або 138,4 працэнта да ўзроўню 2020 года ў супастаўных цэнах, у тым ліку будаўніча-мантажныя работы склалі 34,5 млн рублёў, або 138,5 працэнта. Выдаткі на набыццё машын і абсталявання склалі 24,2 мільёна рублёў.

У бягучым годзе ў эканоміку раёна будзе прыцягнута не менш за 80 млн рублёў.

КУП ДРАЦ «Жамчужына» у вёсцы Бароўка Лепельскага раёна будзе ўведзены ў эксплуатацыю спальны корпус на 166 месцаў. Рэалізацыя гэтага праекта дазволіць стварыць 50 новых працоўных месцаў у сельскай мясцовасці, а таксама да 30 працэнтаў павялічыць каэфіцыент выкарыстання ўжо наяўных магутнасцей дзеючага санаторыя.

Вядзецца рэстаўрацыя помніка архітэктуры XIX стагоддзя пад краязнаўчы музей (будынак былога вінаачышчальнага склада) па вул. Савецкай у г. Лепелі. У 2022 годзе на завяршэнне будаўніча-мантажных работ з мясцовага бюджэту прадугледжаны 1 млн. рублёў.

Будуць працягвацца работы па рэканструкцыі, а таксама рамонце асушальных і асноўных збудаванняў меліярацыйных і водагаспадарчых сістэм. У цэлым на 2022 год запланавана асвоіць больш за 900 тысяч рублёў.

У рамках асваення гэтых сродкаў плануецца рэканструкцыя меліярацыйнай сістэмы «Валасовічы» у сельскагаспадарчым унітарным прадпрыемстве «Пражэктар-агра» на плошчы 158,9 гектара.

Акрамя гэтага,ажыццяўляецца рэалізацыя праекта «Дрэваапрацоўчая вытворчасць дзяржаўнай лесагаспадарчай установы «Лепельскі лясгас». Імі ж будзе пабудавана звыш 20 кіламетраў лесагаспадарчых дарог і набыта новая лесанарыхтоўчая тэхніка.

Плануецца увод у эксплуатацыю збожжаачыстна-сушыльнага комплексу (ЗАС-100) з комплексам для захоўвання збожжа на 30 тысяч тон. Праект рэалізуецца філіялам «Лепельскі» ЗАТ «Віцебскаграпрадукт».

Варта адзначыць, што Лепельшчына мае высокі турыстычны патэнцыял. На тэрыторыі раёна знаходзіцца ўнікальны аб'ект, які з'яўляецца прыроднай спадчынай Беларусі. Бярэзінскі біясферны запаведнік — рэзерват чыстай, рэдкай па разнастайнасці цудоўнай дзікай прыроды, якая пачала фарміравацца тут тысячы гадоў таму пасля раставання старажытных леднікоў. Убачыць гэту прыгажосць могуць усе жыхары нашай рэспублікі і замежныя грамадзяне!

Шмат што будзе зроблена для развіцця турыстычнай дзейнасці ДПУ «Бярэзінскі біясферны запаведнік». Тэрміны рэалізацыі праектаў – 2022 — 2025 гады. Агульныя інвестыцыйныя выдаткі складуць 6 млн рублёў, з іх у 2022 годзе – 1,8 млн. рублёў. Усё гэта дазволіць павялічыць колькасць наведвальнікаў на 25 тысяч чалавек у год.

Асаблівая ўвага на Лепельшчыне надаецца стварэнню ўмоў для камфортнага жыцця людзей з інваліднасцю. Так, у мінулым годзе на тэрыторыі Цэнтра працоўнай і сацыяльна-бытавой рэабілітацыі інвалідаў у г. Лепелі па вул. Лабанка, д. 30 уведзена ў эксплуатацыю кулінарная майстэрня. Будаўніцтва аб'екта ажыццяўлялася сумесна з міжнародным дабрачынным грамадскім аб'яднаннем «ЭкаДом». Акрамя таго, у рамках рэалізацыі сумеснaга праекта пачата будаўніцтва аб'екта «Цэнтр сацыяльнай адаптацыі, рэабілітацыі, навучання, пражывання інвалідаў і часовага прытулку ў г. Лепелі па вул. Лабанка, 17».

— Усім добра вядома, што вялікая ўвага ў раёне надаецца развіццю сферы аховы здароўя…

— У першую чаргу хочацца выказаць шчырыя словы падзякі ўсім медыцынскім работнікам. У перыяд пандэміі яны да канца застаюцца вернымі службоваму абавязку, аддана і самааддана выхаджваюць хворых, забываючы аб стомленасці, ратуюць чалавечыя жыцці. Дзякуючы зладжанай працы, адказнасці і ўвазе медыцынскіх спецыялістаў нам удаецца выстаяць у цяжкіх выпрабаваннях. Дзякуй работнікам медыцыны за мужнасць, высакародную і стваральную працу! Шчыра жадаем ім берагчы сябе, бо ад іх здароўя залежыць самаадчуванне ўсіх грамадзян.

На развіццё матэрыяльна-тэхнічнай базы ў сферы аховы здароўя ў 2021 годзе накіравана 1,5 мільёна рублёў. Праведзены мадэрнізацыя прыёмнага аддзялення бальніцы з устаноўкай камп'ютарнага тамографа, бягучы рамонт 2-х кабінетаў урача агульнай практыкі ў паліклініцы і кабінета ФГДС. Нямала абсталявання набыта за кошт сродкаў бюджэту і па лініі спонсарскай дапамогі.

Агульная сума затрат на сферу аховы здароўя за 2021 год з бюджэту раёна склала 19,2 мільёна рублёў.

У 2022 годзе плануецца рэалізаваць 2-і этап мадэрнізацыі прыёмнага аддзялення бальніцы, правесці мадэрнізацыю грузавога і пасажырскага ліфтоў стацыянара і харчаблока.

Вялікае значэнне будзе таксама нададзена ўмацаванню і абнаўленню кадравага патэнцыялу арганізацыі.

— Міхаіл Леанідавіч, відавочна, што ў раёне шмат зроблена па развіцці сферы адукацыі…

— Навучэнцы раёна паказваюць добрыя дасягненні ў алімпіядным руху, здачы цэнтралізаванага тэсціравання.

Праводзіцца мэтавая праца па прафесійнай арыентацыі выпускнікоў школ. На базе Лепельскага дзяржаўнага аграрна-тэхнічнага каледжа для навучэнцаў 10-11 базавых класаў арганізавана прафесійная падрыхтоўка па прафесіях «Аператар электронна-вылічальных машын», «Садоўнік», «Слесар па рамонце сельскагаспадарчых машын і абсталявання».

Гонарам для раёна стаў той факт, што па выніках цэнтралізаванага тэсціравання ў 2021 годзе Лепельшчына заняла 1-е месца ў вобласці. 2 выпускнікі гімназіі імя І.М. Ерашова і сярэдняй школы №3 г. Лепеля атрымалі 100-бальныя сертыфікаты па хіміі і біялогіі. Паказчык паступлення выпускнікоў ва ўстановы вышэйшай адукацыі склаў 76 працэнтаў.

На умацаванне матэрыяльна-тэхнічнай базы ўстаноў адукацыі ў 2021 годзе накіравана звыш 3,8 млн рублёў.

Праведзены бягучыя рамонты 7 устаноў дашкольнай і школьнай адукацыі, аснашчэнне вучэбнага працэсу камп'ютарамі і аргтэхнікай, набыты сучаснае абсталяванне і аўтобус.

Акрамя таго, за кошт сродкаў Міжнароднага банка рэканструкцыі і развіцця ўведзены ў эксплуатацыю першыя пускавыя комплексы капітальнага рамонту з мадэрнізацыяй дзяржаўных устаноў адукацыі «Бароўская сярэдняя школа Лепельскага раёна» і «Заслаўская сярэдняя школа Лепельскага раёна».

Важным праектам у сферы адукацыі стане таксама будаўніцтва дзіцячага садка ў мікрараёне па вул. Чуйкова г. Лепеля на 230 месцаў да 2025 года. Сёлета на

на распрацоўку праектна-каштарыснай дакументацыі плануецца накіраваць больш за 500 тысяч рублёў.

Як вядома, у 2020 годзе ў г. Лепелі на базе сярэдняй школы №3 у межах супрацоўніцтва з асацыяцыяй «Беларуская федэрацыя футбола» адкрыта футбольнае поле з штучным пакрыццём.

Сёлета плануецца будаўніцтва такога ж поля з сучаснымі бегавымі дарожкамі на тэрыторыі гімназіі ім. І.М. Ерашова г. Лепеля.

Мы павінны разумець, што развіццё раёна напрамую залежыць ад нас, што толькі мы самі сваёй карпатлівай працай зможам забяспечыць годны ўзровень жыцця, дабрабыту жыхароў Лепельшчыны. Толькі разам, аб'яднаўшы свае намаганні, мы зможам пабудаваць моцную і квітнеючую Рэспубліку Беларусь!

Гутарыла Наталля ХРАПАВІЦКАЯ

"Лепельскі край"