Як адзначыў старшыня аблсавета Дзмітрый Дзямідаў, кожны горад і сельскі раён вобласці дэлегавалі ў парламент па адным прадстаўніку з самых актыўных і ініцыятыўных маладых людзей – усяго 23 чалавекі. Гэтыя хлопцы і дзяўчаты прадставяць Віцебшчыну ў моладзевым савеце пры Нацыянальным сходзе Беларусі.

  Старшынёй абласнога моладзевага парламента абрана інспектар сектара культуры Віцебскага райвыканкама Вольга Млявая. Намеснікамі старшыні сталі Анастасія Ляховіч з Талачынскага раёна і Генадзь Драздоў з Оршы. Сфарміраваны чатыры пастаянныя камісіі па асноўных сферах дзейнасці, якія будуць у полі зроку моладзевых парламентарыяў.

  У пасяджэнні прыняла ўдзел прадстаўніца Лепельскага раёна Крысціна Дарохава.