7 верасня, Мінск /Кар. БЕЛТА/. Маніторынг работы ўстаноў сацабслугоўвання Віцебскай вобласці пройдзе 8-9 верасня, паведаміла карэспандэнту БЕЛТА прэс-сакратар Міністэрства працы і сацыяльнай абароны Варвара Аляксандровіч. У ходзе аб'езда ўстаноў сацабслугоўвання Віцебшчыны запланаваны справаздачу камітэта па працы, занятасці і сацыяльнай абароне Віцебскага аблвыканкама па сацыяльным абслугоўванні пажылых людзей і інвалідаў, умацаванні матэрыяльна-тэхнічнай базы ўстаноў. Сярод удзельнікаў мерапрыемства - кіраўнікі і спецыялісты міністэрства, старшыні камітэтаў па працы, занятасці і сацыяльнай абароне аблвыканкамаў, Мінгарвыканкама. Сетка стацыянарных устаноў сацыяльнага абслугоўвання ў Віцебскай вобласці ўключае 15 дамоў-інтэрнатаў для састарэлых і інвалідаў, з іх 5 дамоў-інтэрнатаў агульнага тыпу, 9 псіханеўралагічных, 1 дом-інтэрнат для дзяцей-інвалідаў з асаблівасцямі псіхафізічнага развіцця. У іх пражывае 3 тыс. 281 чалавек, у тым ліку ў псіханеўралагічных установах сацабслугоўвання - 2 тыс. 298. Дарэчы, цікавы вопыт работы Багушэўскага дзіцячага дома-інтэрната па ўкараненні і адпрацоўцы новых форм сацыялізацыі маладых інвалідаў. Камітэт па працы, занятасці і сацыяльнай абароне Віцебскага аблвыканкама і дамы-інтэрнаты вядуць пастаянную работу па паляпшэнні сацабслугоўвання пажылых людзей і інвалідаў, якія маюць патрэбу ў пастаяннай знешняй дапамозе і доглядзе. Пражываючым прадастаўляецца згодна з устаноўленымі нормамі пяціразовае харчаванне, адзенне, абутак, пасцельныя прыналежнасці, забяспечваецца неабходнае бытавое абслугоўванне. Плошчы жылых памяшканняў ва ўсіх дамах-інтэрнатах адпавядаюць устаноўленым санітарным нормам (7 кв.м на чалавека). Забяспечаны бяспечныя ўмовы пражывання. У дамах-інтэрнатах арганізаваны кругласутачны догляд, пражываючым аказваецца неабходная медыцынская дапамога, праводзяцца фізіятэрапеўтычныя працэдуры. Паглыблены медыцынскі агляд у 2010 годзе прайшлі ўсе пражываючыя. У бягучым годзе праведзена абследаванне ўжо 85% пражываючых, да канца года будзе забяспечаны 100-працэнтны ахоп. На асаблівым кантролі - пытанні забеспячэння пажарнай бяспекі дамоў-інтэрнатаў. Спальныя памяшканні абсталяваны аўтаномнымі пажарнымі апавяшчальнікамі. Устаноўлена гукавая сістэма апавяшчэння, праведзены вучэнні з абслугоўваючым персаналам па дзеяннях пры ўзнікненні пажару.-0-

БЕЛТА