Лепельскі раённы аддзел па надзвычайных сітуацыях паведамляе, што ў сакавіку месяцы работнікамі аддзела былі праведзены маніторынгі: ТАА "Пансіянат ЛОДЭ", кафэ-бара "Піцэрыя" ЧПТУП "Віро-від", рэстарана з барам "Хваля" Лепельскага філіяла Віцебскага абласнога спажывецкага таварыства
Лепельскі раённы аддзел па надзвычайных сітуацыях паведамляе, што ў сакавіку месяцы работнікамі аддзела былі праведзены маніторынгі: ТАА "Пансіянат ЛОДЭ", кафэ-бара "Піцэрыя" ЧПТУП "Віро-від", рэстарана з барам "Хваля" Лепельскага філіяла Віцебскага абласнога спажывецкага таварыства
Пры правядзенні вышэйназванай работы ўстаноўлена, што пры наведванні будынкаў і збудаванняў, выяўлены наступныя парушэнні:
Рэстаран з барам "Хваля" Лепельскага філіяла Віцебскага абласнога спажывецкага таварыства:
- на другім паверсе (рэстаран) не спраўныя сродкі першаснага пажаратушэння ( вогнетушыцель АП-4)(няма ціску);
- дзверы, размешчаныя на шляхах эвакуацыі , не ў поўным аб'ёме абсталяваны замкамі, якія забяспечваюць магчымасць іх свабоднага адчынення знутры без ключа ;
- дапушчана размяшчэнне гаручых матэрыялаў пад маршамі эвакуацыйнай лесвічнай клеткі;
- будынак не абсталяваны сістэмай пажарнай сігналізацыі c аб'ектавым канечным прыстасаваннем сістэмы перадачы паведамленняў аб пажары;
- план эвакуацыі не адпавядае патрабаванням дадатку 2 да Пастановы МНС №82 ;
-агульнааб'ектавая інструкцыя па пажарнай бяспецы не адпавядае патрабаванням дадатку 1 пастановы МНС №82 ;
- аздабленне столі выканана з матэрыялаў з невядомымі характарыстыкамі па пажарнай небяспецы .
- часопіс рэгістрацыі супрацьпажарных інструктажоў не адпавядае форме згодна з дадаткам 3 да «Інструкцыі аб парадку падрыхтоўкі работнікаў па пытаннях пажарнай бяспекі і праверкі іх ведаў у гэтай сферы», зацверджанай Пастановай МНС №82 ;
- не арганізавана падрыхтоўка па праграмах пажарна-тэхнічнага мінімуму работнікаў, адказных за пажарную бяспеку суб'екта гаспадарання, якія ажыццяўляюць эксплуатацыю цеплагенеруючых апаратаў, адказных за падрыхтоўку і (або) правядзенне вогневых работ, выканаўцаў вогневых работ, на якіх ускладзены абавязкі па правядзенні супрацьпажарнага інструктажу ;
- зменена напрамак адчынення дзвярэй эвакуацыйнага выхаду на першым паверсе (не па напрамку выхаду з будынка) ;
-адсутнічае стэнд з інфармацыяй аб пажарнай бяспецы;
У ТАА "Пансіянат ЛОДЭ", кафэ-бар "Піцэрыя" ЧВПТУП "Віро-від" парушэнняў патрабаванняў пажарнай бяспекі не выяўлена.
У будынках, дзе маецца сістэма пажарнай сігналізацыі сумесна з прадстаўнікамі абслугоўваючых арганізацый была праведзена праверка на прадмет спраўнасці і працаздольнасці сістэм. У ходзе праведзенай работы парушэнняў не выяўлена.
З работнікамі ўстаноў праведзена адпрацоўка планаў эвакуацыі на выпадак узнікнення пажару або іншай надзвычайнай сітуацыі, а таксама інструктажы па захаванні правілаў пажарнай бяспекі.
МНС нагадвае, што ў адпаведнасці з арт. 20 Закона РБ «Аб пажарнай бяспецы» кіраўнікі арганізацый павінны забяспечваць пажарную бяспеку і супрацьпажарны рэжым у адпаведных арганізацыях.