Нягледзячы на зніжэнне колькасці дарожна-транспартных здарэнняў (далей – ДТЗ) па віне кіроўцаў мотатранспарту (з 17 да 11), а таксама цяжкасці іх наступстваў на тэрыторыі вобласці маюць месца рэзанансныя ДТЗ з удзелам матацыклістаў.
Акрамя таго, 45,5% ДТЗ дадзенага віду здзейснена з удзелам кіроўцаў у стане ап'янення, а 64,0% здзейснена па віне асоб, якія не маюць права кіравання транспартным сродкам.
З мэтай папярэджання ДТЗ з удзелам мотатранспарту, іншых механічных двухколавых транспартных сродкаў, а таксама спынення імі парушэнняў Правілаў дарожнага руху (далей – ПДР), у перыяд з 20 па 29 жніўня бягучага года Дзяржаўтаінспекцыя праводзіць прафілактычную акцыю «Матацыкл, скутэр і мапед – не дапусці ў дарозе бяд!»
Паважаныя кіроўцы мотатранспарту!
Выехаўшы на дарогу, Вы становіцеся ўдзельнікамі дарожнага руху з пэўнымі правамі і абавязкамі.
Мотатранспарт у нашы дні незаменны дзякуючы сваёй эканамічнасці, прастаце абслугоўвання, манеўранасці. Але гэта транспартны сродак, як і аўтамабіль, трактар з'яўляюцца крыніцай павышанай небяспекі. Кіраваць ім дазваляецца асобам, якія дасягнулі 16-
узросту, якія маюць пасведчанне кіроўцы адпаведнай катэгорыі. Матацыкл альбо мапед (скутар) павінен быць спраўным, зарэгістраваным у ДАІ і мець нумарны знак і дзеючы дагавор абавязковага страхавання грамадзянскай адказнасці ўладальнікаў транспартных сродкаў.
За кіраванне без права кіравання транспартным сродкам кіроўцу пагражае штраф ад 5 да 20 базавых велічынь, за паўторнае такое парушэнне на працягу года прадугледжаны штраф у памеры ад 20 да 50 базавых велічынь або адміністрацыйны арышт. За кіраванне мотатранспартам і перавозку на ім пасажыраў без або не зашпіленымі моташлемамі прадугледжана адміністрацыйнае спагнанне ў выглядзе папярэджання або штрафу да адной базавай велічыні. Паўторнае такое парушэнне на працягу года пацягне павелічэнне адказнасці - ад 2 да 5 базавых велічынь.
Паважаныя кіроўцы мотатранспарту, памятайце!
У няўмелых руках матацыкл альбо мапед (скутар) з'яўляецца адным з найбольш небяспечных відаў транспартных сродкаў. Таму, стаўшы ўладальнікам мотатранспарту, Вы добраахвотна бярэце на сябе абавязак бездакорна выконваць Правілы дарожнага руху.
Паважаныя веласіпедысты!
Рух на веласіпедзе павінен ажыццяўляцца па веласіпеднай дарожцы, а пры яе адсутнасці - па абочыне, тратуары або пешаходнай дарожцы, не ствараючы перашкоды для бяспечнага руху пешаходаў. Пры адсутнасці названых элементаў дарогі або немагчымасці руху па іх дапускаецца рух веласіпедыстаў па праезнай частцы дарогі ў адзін шэраг не далей 1 метра ад яе правага краю. Пры гэтым:
Пры перасячэнні праезнай часткі дарогі па пешаходным пераходзе веласіпедыст павінен весці веласіпед побач з сабой і кіравацца патрабаваннямі, прадугледжанымі Правіламі для руху пешаходаў.
Рух на мапедзе павінен ажыццяўляцца па абочыне або праезнай частцы дарогі не далей 1 метра ад правага краю праезнай часткі. Пры гэтым выезд далей 1 метра ад яе правага краю дапускаецца толькі для аб'езду перашкоды і ў дазволеных выпадках для павароту налева або развароту.
Веласіпедысту і кіроўцу мапеда забараняецца:
- выкарыстоўваць тэхнічна няспраўныя веласіпеды і мапеды, а таксама абсталяваныя з парушэннем патрабаванняў тэхнічных нарматыўных прававых актаў;
- рухацца, не трымаючыся за руль і (або) не трымаючы ногі на педалях (падножках);
- рухацца па дарозе ў умовах снегападу і (або) галалёдзіцы;
- перавозіць пасажыраў, за выключэннем выпадкаў перавозкі на веласіпедзе дзяцей ва ўзросце да сямі гадоў на дадатковым спецыяльна абсталяваным сядзенні або калі перавозка пасажыраў прадугледжана канструкцыяй мапеда;
- перавозіць грузы, якія выступаюць больш чым на 0,5 метра па даўжыні або шырыні за габарыты транспартнага сродку, а таксама грузы, якія перашкаджаюць кіраванню гэтым транспартным сродкам.
Забараняецца без суправаджэння дарослага асобы кіраваць на дарозе асобам, маладзейшым:
- чатырнаццаці гадоў - веласіпедам (акрамя пешаходных і жылых зон, тратуараў, веласіпедных і пешаходных дарожак);
Кіроўцу мапеда забараняецца ездзіць па тратуарах, веласіпедных і пешаходных дарожках, дарожках для вершнікаў.
Забараняецца буксіроўка веласіпеда і веласіпедам, за выключэннем веласіпеднага прычэпа прамысловай вытворчасці.
Каб пазбегнуць непрыемнасцей на дарозе ў першую чаргу неабходна добра асвоіць навыкі кіравання ў розных сітуацыях і дарожных умовах, выконваць хуткасныя рэжымы, быць максімальна ўважлівымі і асцярожнымі. Практыка паказвае, што нават секундная страта пільнасці на дарозе можа прывесці да ДТЗ з цяжкімі наступствамі.
Дзяржаўтаінспекцыя Лепельскага РАУС.