25 кастрычніка па ўсёй рэспубліцы пройдзе Адзіны дзень бяспекі дарожнага руху «Стой машына, цішэй ход! На дарозе пешаход!», накіраваны на прафілактыку ДТЗ на пешаходных пераходах.
25 кастрычніка па ўсёй рэспубліцы пройдзе Адзіны дзень бяспекі дарожнага руху «Стой машына, цішэй ход! На дарозе пешаход!», накіраваны на прафілактыку ДТЗ на пешаходных пераходах.
У ходзе мерапрыемства супрацоўнікі ДАІ сумесна з іншымі службамі міліцыі грамадскай бяспекі ажыццяўляюць кантроль паблізу месцаў масавага руху пешаходаў – гэта прыпынкі грамадскага транспарту, нерэгулюемыя пешаходныя пераходы, крамы, навучальныя ўстановы і г.д. Акрамя таго, праваахоўнікі выступяць з прафілактычнымі гутаркамі як для дарослага, так і дзіцячай аўдыторыі, акцэнтуючы ўвагу на новаўвядзеннях у ПДР, якія ўступаюць у сілу 27 кастрычніка 2024 года.
Асаблівая ўвага вартавымі дарог нададзена выяўленню і спыненню парушэнняў як з боку пешаходаў, так і кіроўцаў, якія дапускаюць парушэнні правілаў праезду пешаходных пераходаў, а таксама наяўнасці святлоадбівальных элементаў у пешаходаў у цёмны час сутак. Бо па-ранейшаму наезды на пешаходаў застаюцца пераважным відам дарожна-транспартных здарэнняў.
Асноўнымі прычынамі здзяйснення ДТЗ з удзелам дадзенай катэгорыі ўдзельнікаў дарожнага руху з'яўляюцца:
— пераход праезнай часткі па-за ўстаноўленым месцам, адсутнасць пры руху ў цёмны час святлоадбівальных элементаў;
— недысцыплінаванасць кіроўцаў і невыкананне патрабаванняў правілаў у частцы праезду імі нерэгулюемых пешаходных пераходаў і прадастаўлення перавагі ў руху пешым удзельнікам.
Асаблівую небяспеку на праезнай частцы або паблізу яе ствараюць нецвярозыя пешаходы. Яны паводзяць сябе неасцярожна, а часам і агрэсіўна. Паводзіны нецвярозага немагчыма прадказаць, бо сваімі дзеяннямі ён стварае прамую пагрозу бяспецы дарожнага руху. Таму, паважаныя грамадзяне, пры выяўленні на праезнай частцы нецвярозых удзельнікаў дарожнага руху, неабходна паведаміць у дзяжурную частку па тэлефоне 102.
Пешаходны пераход з'яўляецца небяспечным месцам, асабліва гэта тычыцца нерэгулюемых пешаходных пераходаў. Небяспека можа ўсугубляцца абмежаваным аглядам, назапашваннем пешаходаў і г.п. Пры набліжэнні да пешаходнага пераходу кіроўцам неабходна да мінімуму знізіць хуткасць і прадаставіць перавагу ў руху пешаходам.
Праблемай застаюцца наезды на пешаходаў на нерэгулюемых пешаходных пераходах. Нягледзячы на тое, што пры гэтым відавочная віна кіроўцаў, якія парушаюць патрабаванні правілаў праезду нерэгулюемых пешаходных пераходаў, тут часам углядаецца і асабістая недысцыплінаванасць пешаходаў.
Паважаныя пешаходы, перш чым ступіць на праезную частку, неабходна паглядзець па баках і пераканацца ў адсутнасці транспартных сродкаў, альбо пры наяўнасці транспартнага сродку з дапамогай візуальнага кантакту з кіроўцам, упэўніцца, што кіроўца вас прапускае. Нямала важна ў мэтах вашай бяспекі выключыць размовы па мабільным тэлефоне і выкарыстанне навушнікаў. Пешаходны пераход – зона павышанай увагі!
Варта памятаць аб строгім выкананні Правілаў і ўзаемнай ветлівасці на дарозе.