Новы год – гэта свята, якога з нецярпеннем чакаюць і дарослыя, і дзеці. Весялосць, радасны смех – такія эмоцыі звычайна звязаны з сустрэчай Новага года. Але нават падчас святочнага весялосці не варта забываць пра бяспеку.
Каб калядныя і навагоднія святы не былі азмрочаны пажарамі і надзвычайнымі здарэннямі, ратавальнікі традыцыйна ў перыяд з 15 снежня 2025 па 07 студзеня 2026 года правядуць рэспубліканскую акцыю «Бяспечны Новы год!». Акцыя пройдзе ў два этапы.
Падчас правядзення 1-га этапу, з 15 па 24 снежня, мэтавай аўдыторыяй стануць навучэнцы школ, таму мерапрыемствы пройдуць у агульнаадукацыйных установах. Ратавальнікі правядуць з дзецьмі інтэрактыўныя навучальныя заняткі па папярэджанні надзвычайных сітуацый з прычыны неасцярожнага абыходжання з піратэхнічнымі вырабамі з выкарыстаннем навучальных гульняў. Раскажуць правілы бяспекі ў перыяд зімовых канікул, прапануюць паўдзельнічаць у тэматычных конкурсах і віктарынах.
2-і этап акцыі пройдзе ў месцах з масавым знаходжаннем людзей. У гандлёвых цэнтрах, на рынках, ёлачных базарах, у месцах продажу піратэхнічных вырабаў ратавальнікі арганізуюць інтэрактыўныя пляцоўкі, дзе нагадаюць правілы бяспекі і павіншуюць усіх з надыходзячымі святамі. Удзельнікаў мерапрыемстваў чакаюць тэматычныя віктарыны, конкурсы і латарэі.
Далучайцеся да нашай акцыі і няхай вашы навагоднія святы пройдуць бяспечна!