Праграма сацыяльна-эканамічнага развіцця Віцебшчыны на 2026 – 2030 гады вынесена на разгляд і зацвярджэнне пазачарговай сесіі абласнога Савета дэпутатаў.
Як адзначыў старшыня аблсавета Дзмітрый Дзямідаў, гэта найважнейшы дакумент, які вызначае развіццё рэгіёна на бліжэйшую пяцігодку.
– Распрацоўваючы дадзены дакумент, мы адштурхоўваліся ад тых вынікаў, якія былі дасягнуты пры рэалізацыі праграмы сацыяльна-эканамічнага развіцця на папярэднюю пяцігодку, прааналізавалі ўсе дасягненні і, вядома ж, зрабілі акцэнт на ліквідацыі негатыўных тэндэнцый. Наша мэта – зрабіць усё, каб людзі адчувалі сябе ўпэўнена, звязвалі сваю жыццёвую траекторыю менавіта з Віцебшчынай. А гэта і развіццё прамысловага патэнцыялу, агратэхнічнага комплексу, удасканаленне сістэмы адукацыі, аховы здароўя і гэтак далей, – падкрэсліў Дзмітрый Дзямідаў.
Кіраўнік дэпутацкага корпуса вобласці таксама адзначыў важнасць развіцця кожнага раёна, што напрамую звязана з дэмаграфічнай сітуацыяй. У гэтым плане ёсць праблемы, і іх трэба вырашаць, робячы жыццё ў малых населеных пунктах больш прывабным. У першую чаргу праз рэалізацыю інвестпраектаў, стварэнне працоўных месцаў, каб людзі маглі мець працу і годныя ўмовы працы. Наступны крок – стварэнне і развіццё інфраструктуры, транспартнай, сацыяльнай, каб незалежна ад аддаленасці ад абласнога цэнтра, іншых буйных гарадоў, раёнаў, людзі мелі доступ да якаснай адукацыі, медыцынскай дапамогі, арганізацыі культурнага адпачынку і гэтак далей. І праграма развіцця на пяцігодку ўсё гэта ўлічвае. Бо моцныя рэгіёны – моцная краіна.
– Адзін з ключавых момантаў – развіццё турыстычнага патэнцыялу. Віцебшчына па праву лічыцца адной з самых прыгожых абласцей Беларусі. Мы валодаем унікальным прыродным ландшафтам і гісторыка-культурнымі каштоўнасцямі. Мы ўжо паказалі дастаткова сур'ёзны прырост у сферы турызму, але гэты патэнцыял яшчэ не выкарыстоўваецца па максімуме. Трэба ствараць і развіваць турыстычную інфраструктуру, умовы для таго, каб і жыхары нашай краіны, і госці з-за мяжы прыязджалі і атрымлівалі ўвесь комплекс паслуг. Гэта ў сучасным свеце з'яўляецца адным з асноўных драйвераў развіцця эканомікі. Праграма накіравана на рэалізацыю канкрэтных праектаў, на развіццё нашага інтэлектуальнага, тэхналагічнага патэнцыялу. І я ўпэўнены, што задачу, якую ставіць перад намі прэзідэнт па прарыўным развіцці Віцебскай вобласці, мы пастараемся выканаць. Для гэтага практычна ёсць усё: падтрымка з боку дзяржавы, унутраная мабілізацыя. Толькі ад нас залежыць, наколькі паспяхова мы яе рэалізуем, – акцэнтаваў увагу Дзмітрый Дзямідаў і назваў некаторыя лічбы.
Так, за мінулую пяцігодку рэалізавана каля 190 інвестыцыйных праектаў, у тым ліку і ў рэгіёнах. Аб'ём прыцягнутых інвестыцый у прамысловасць склаў парадку 10 мільярдаў рублёў. Удалося не толькі захаваць, але і прырасці ў плане экспартных адгрузак. Практычна ўсе суб'екты Расійскай Федэрацыі ахоплены і ўцягнуты ва ўзаемадзеянне з прадпрыемствамі Віцебскай вобласці. Наладжвалася дзелавое супрацоўніцтва з Кітайскай Народнай Рэспублікай у плане экспарту, у плане наладжвання дзелавых кантактаў. Гэта той задзел, адштурхоўваючыся ад якога мы павінны і далей працаваць.