Састаў будзе адпраўляцца з 12 па 16 ліпеня з Віцебска, а з 13 па 17 ліпеня – з Масквы. З Беларускага вакзала ў Маскве цягнік будзе выязджаць у 23:41 і прыбудзе ў Віцебск наступнай раніцай у 8:36. У зваротным напрамку ён будзе адпраўляцца з Віцебска ў 20:26 з прыбыццём у расійскую сталіцу ў 5:49.
Ужо пачаўся продаж білетаў: даступныя месцы ў плацкартных вагонах, купэ і СВ.
Раней БЧ прызначыла для жыхароў беларускай сталіцы дадатковы цягнік у зносінах Мінск – Віцебск на час правядзення "Славянскага базару ў Віцебску" ў 2022 годзе. Ён будзе курсіраваць кожны дзень з Мінска з 13 па 18 ліпеня, з Віцебска – з 14 па 19 ліпеня. Расклад складзены з улікам праграмы фестывалю.
Крыніца: vitebsk-region.gov.by