За званне наймацнейшых змагаліся чатыры каманды з красамоўнымі назвамі: «Унучкі Джэкі Чана» наладзіліся на перамогу з усходняй мудрасцю і баявым духам, «Стрэлкі» цэліліся дакладна ў мэту, а каманда «Мамы — што трэба!» увасабляла сабой ідэал сучаснай радзільніцы.

Пераможцам стала каманда «ПП», якая атрымала ўзнагароду смачныя і карысныя падарункі.

Усе ўдзельніцы спаборніцтваў атрымалі ў падарунак абанементы на наведванне басейна.

«Гэтае свята мы прысвячаем усім мамам! — кажуць арганізатары спаборніцтваў. — Бо ў кожнага няма бліжэйшага, раднейшага і любімага чалавека». Спортландыя «Фітнес-мама 2025» завяршылася, пакінуўшы пасля сябе мора усмешак, зарад бадзёрасці і галоўную думку: здаровая і шчаслівая мама — гэта лепшы падарунак для ўсёй сям'і.