15 лістапада, Віцебск /Дзіяна Курыла - БЕЛТА/. Падатковымі органамі ў Віцебскай вобласці за 10 месяцаў з незаконнага абароту канфіскавана падакцызнай прадукцыі на агульную суму больш за Br2,2 млрд., паведамілі карэспандэнту БЕЛТА ў прэс-цэнтры інспекцыі МПЗ па Віцебскай вобласці. У ходзе праведзеных у студзені-кастрычніку 2012 года падатковымі інспекцыямі Віцебскай вобласці кантрольных мерапрыемстваў устаноўлена 462 парушэнні заканадаўства, што рэгулюе вытворчасць і абарот падакцызнай прадукцыі. З незаконнага абароту канфіскавана 8,6 тыс. л алкагольнай, нехарчовай спіртазмяшчальнай прадукцыі, 8,8 млн. штук тытунёвых вырабаў, 1,4 тыс. л нафтапрадуктаў, 948 л соладавага піва, 9,5 тыс. л іншых падакцызных тавараў. У даход дзяржавы звернута падакцызных тавараў на суму Br1,5 млрд. Па выніках праверак суб'ектам прадпрымальніцкай дзейнасці, якія ажыццяўляюць вытворчасць і абарот падакцызных тавараў, належыць даплаціць у бюджэт Br2,5 млрд. падаткаў. Судовымі і падатковымі органамі па матэрыялах праверак да адміністрацыйнай адказнасці прыцягнута 167 суб'ектаў прадпрымальніцкай дзейнасці і 236 фізічных асоб. Сума адміністрацыйных штрафаў склала Br648 млн. -0-

БЕЛТА