Сустрэча прайшла ў вузкім, дзелавым фармаце, што дазволіла прадметна абмеркаваць ключавыя вынікі сацыяльна-эканамічнага развіцця рэгіёна за 2021-2025 гады і планы на новую пяцігодку ў святле рашэнняў УНС.
Адкрываючы дыялог, Міхаіл Леанідавіч падкрэсліў узрослую ролю і значнасць рашэнняў Усебеларускага народнага сходу, якія вызначаюць стратэгію развіцця краіны на гады наперад. Ён давёў асноўныя прыярытэты, зацверджаныя на УНС, якія стануць асновай дзяржаўных праграм: нацыянальна-дэмаграфічная бяспека, развіццё чалавечага патэнцыялу, стварэнне камфортнага асяроддзя для жыцця, тэхналагічная мадэрнізацыя эканомікі, развіццё моцных рэгіёнаў, умацаванне абараназдольнасці і рэалізацыя турыстычнага патэнцыялу.