Беларусь у 2018 годзе павялічыла экспарт высокатэхналагічнай прадукцыі на 20% амаль да $14 млрд. Пра гэта паведаміў сёння журналістам старшыня Дзяржаўнага камітэта па навуцы і тэхналогіях Аляксандр Шумілін, перадае карэспандэнт БЕЛТА.
"Значна павялічаны экспарт IT-паслуг. Выйшлі на новыя рынкі збыту, пачалі пастаўкі высокатэхналагічнай прадукцыі ў Іспанію, краіны Афрыканскага кантынента", - сказаў Аляксандр Шумілін.
Сярод найбольш папулярнай за мяжой беларускай высокатэхналагічнай прадукцыі старшыня ДКНТ адзначыў інтэгральныя мікрасхемы, медыцынскае абсталяванне. "Стварылі камп'ютарны тамограф, заказы ідуць у тым ліку на экспарт", - дадаў ён.
Доля экспарту высокатэхналагічнай прадукцыі ў агульным аб'ёме беларускага экспарту ў 2018 годзе склала 33,2%, што на 1 працэнтны пункт больш, чым у 2017-м.