Неспрыяльныя для вытворчасці сельскагаспадарчай прадукцыі рэгіёны Беларусі могуць прэтэндаваць на атрыманне дзяржпадтрымкі ў павышаных памерах, паведамілі карэспандэнту БЕЛТА ў Міністэрстве сельскай гаспадаркі і харчавання.
Неспрыяльныя для вытворчасці сельскагаспадарчай прадукцыі рэгіёны Беларусі могуць прэтэндаваць на атрыманне дзяржпадтрымкі ў павышаных памерах, паведамілі карэспандэнту БЕЛТА ў Міністэрстве сельскай гаспадаркі і харчавання.
Як растлумачылі ў ведамстве, у цяперашні час арганізацыі АПК рэспублікі аб'ектыўна знаходзяцца ў розных умовах гаспадарання, якія звязаны з прыродна-кліматычнымі, глебавымі, экалагічнымі і сацыяльна-эканамічнымі паказчыкамі. Усе гэтыя фактары не дазваляюць гаспадаркам забяспечваць роўную даходнасць ад дзейнасці.
"Урадам прынята рашэнне, якім вызначаны крытэрыі, што ўплываюць на даходнасць сельгасвытворцаў, у залежнасці ад рэгіёна, на тэрыторыі якога арганізавана сельскагаспадарчая вытворчасць. Таму тыя рэгіёны, у якіх вядзенне сельгасвытворчасці з'яўляецца больш затратным (бедныя землі, больш кароткі вегетацыйны перыяд, моцныя маразы без наяўнасці снежнага покрыва зімой, ранішнія замаразкі вясной, заліўныя дажджы і засуха летам і г.д.), могуць прэтэндаваць на атрыманне дзяржпадтрымкі ў павышаных памерах. Гэта робіцца з мэтай выраўноўвання ўмоў гаспадарання і даходнасці", - адзначылі ў ведамстве, дадаўшы, што гэта агульнапрынятая міжнародная практыка.
У адпаведнасці з пагадненнем па сельскай гаспадарцы, прынятым у ЕАЭС і на аснове прынцыпаў САT, неспрыяльны рэгіён павінен уяўляць сабой дакладна пазначаную геаграфічную зону, мець пэўныя эканамічныя і адміністрацыйныя прыкметы і разглядацца як неспрыяльны на аснове нейтральных і аб'ектыўных крытэрыяў, дакладна выкладзеных у законе або нарматыўным акце і сведчаць, што цяжкасці гэтага рэгіёна народжаны больш сур'ёзнымі прычынамі, чым проста часовыя абставіны.