Тыдзень бясплатных юрыдычных кансультацый для ветэранаў Вялікай Айчыннай вайны пачаўся ў рэгіёнах Беларусі. Пра гэта БЕЛТА паведаміла прэс-сакратар Міністэрства юстыцыі Беларусі Вольга Мурашкоўская.
Тыдзень бясплатных юрыдычных кансультацый для ветэранаў Вялікай Айчыннай вайны пачаўся ў рэгіёнах Беларусі. Пра гэта БЕЛТА паведаміла прэс-сакратар Міністэрства юстыцыі Беларусі Вольга Мурашкоўская.
"Галоўныя ўпраўленні юстыцыі аблвыканкамаў і Мінскага гарвыканкама з 25 па 29 красавіка будуць праводзіць акцыю па бясплатным прававым кансультаванні ветэранаў Вялікай Айчыннай вайны. Мерапрыемства прысвечана 71-й гадавіне Вялікай Перамогі", - сказала Вольга Мурашкоўская.
Прэс-сакратар дадала, што 5 мая з 11.00 да 13.00 ветэраны змогуць бясплатна пракансультавацца ў самім Міністэрстве юстыцыі па адрасе: вул. Калектарная, 10. Ініцыятыву падтрымаюць Беларуская натарыяльная палата і Рэспубліканская калегія адвакатаў. Спецыялісты будуць гатовыя адказаць на пытанні па прымусовым выкананні судовых пастаноў і іншых выканаўчых дакументаў, а таксама растлумачыць тонкасці грамадзянскага, жыллёвага, працоўнага, сямейнага і зямельнага заканадаўства.
Акрамя таго, ветэраны могуць пакінуць папярэднюю заяўку аб аказанні ім прававой кансультатыўнай дапамогі з магчымасцю выезду юрыста на дом па тэлефонах 8 (017) 200 84 03 або 8 (017) 200 95 68. У 2015 годзе паслугай кансультавання на даму скарыстаўся 21 ветэран Вялікай Айчыннай вайны, у тым ліку 2 жыхара сталіцы.