Тыдзень кібербяспекі стартуе 24 лістапада ў Беларусі
Паводле звестак ведамства, сёлета ў краіне назіраецца станоўчая тэндэнцыя: упершыню за апошнія гады ўзровень кіберзлачыннасці пайшоў на спад.За студзень - кастрычнік колькасць такіх злачынстваў знізілася на 9%. Пры гэтым праваахоўнікі адзначаюць, што новыя лічбавыя пагрозы працягваюць эвалюцыянаваць, таму грамадзянам не варта губляць пільнасць.
Для абароны грамадзян у лічбавай прасторы з 24 па 30 лістапада ў краіне пройдзе рэспубліканская прафілактычная акцыя "Тыдзень кібербяспекі".
Яна накіравана на павышэнне дасведчанасці насельніцтва аб новых схемах махлярства і фарміраванне культуры бяспечных паводзін у інтэрнэце.
Асаблівая ўвага будзе нададзена процідзеянню тэлефоннаму і анлайн-махлярству, а таксама прафілактыцы ўцягвання грамадзян, асабліва моладзі, у незаконныя схемы па пераводзе ў наяўныя грашовых сродкаў. У цэнтры ўвагі таксама абарона найбольш уразлівых катэгорый - пенсіянераў і непаўналетніх.