25 студзеня, Віцебск /Вольга Багачова - БЕЛТА/. Нелегальны груз мяса на Br26,5 млн. канфіскаваны ў Верхнядзвінскім раёне, паведамілі карэспандэнту БЕЛТА ў аддзяленні інфармацыі і грамадскіх сувязяў УУС Віцебскага аблвыканкама. Супрацоўнікі Верхнядзвінскага РАУС у вёсцы Чыстаполле Верхнядзвінскага раёна 10 студзеня затрымалі аўтамашыну "Форд-Транзіт" пад кіраваннем непрацуючага жыхара гарадскога пасёлка Шаркаўшчына 1977 года нараджэння, які сумесна з непрацуючым жыхаром Міёр 1973 года нараджэння перавозіў 2,4 т мяса буйной рагатай жывёлы без суправаджальных дакументаў. Як удалося ўстанавіць, дадзеныя мужчыны ў перыяд з 8 па 11 студзеня скуплялі мяса для далейшага перапродажу ў жыхароў Глыбоцкага, Шаркаўшчынскага і Міёрскага раёнаў без дзяржаўнай рэгістрацыі прадпрымальніцкай дзейнасці. У дачыненні да затрыманых Наваполацкім міжраённым аддзелам УДФР КДК па Віцебскай вобласці складзены адміністрацыйныя пратаколы па арт. 12.7 ч. 1 п. 1 КоАП Беларусі. Мяса канфіскавана. Аналагічныя затрыманні адбыліся ў Віцебскай вобласці і ў мінулыя суткі. Так, паблізу вёскі Высокае Аршанскага раёна супрацоўнікамі УДАІ УУС Віцебскага аблвыканкама затрыманы мікрааўтобус "Івека" пад кіраваннем 30-гадовага жыхара Мінска (1981 г.н.), які перавозіў 1,3 т мяса без адпаведных дакументаў, а ў вёсцы Станулёва Міёрскага раёна - мікрааўтобус "Сітраен", кіроўца якога таксама не змог прад'явіць неабходныя дакументы на 1 т мяса.-0-

БЕЛТА