Незвычайны музей на ўскрайку могілак пад Віцебскам уключаць у новы турыстычны маршрут, які распрацоўваюць у Віцебскім раёне. Пра гэта распавялі ў эфіры тэлеканала АНТ, паведамляе БЕЛТА.
Незвычайны музей на ўскрайку могілак пад Віцебскам уключаць у новы турыстычны маршрут, які распрацоўваюць у Віцебскім раёне. Пра гэта распавялі ў эфіры тэлеканала АНТ, паведамляе БЕЛТА.
У Віцебскім раёне на ўскрайку могілак у вёсцы Шэвіна ёсць незвычайны музей пад адкрытым небам. Тут і курган у асяроддзі валуноў, і каменныя надмагільныя крыжы. У рэгіёне маюць намер захаваць памяць аб старажытных пахавальных абрадах.
Выяўленыя на пагосце старыя крыжы размясцілі ў храналагічным парадку на невялікай пляцоўцы. Курган і надмагільныя драўляныя слупы давялося аднаўляць. А ўсе камяні сапраўдныя, кожны ўнікальны па-свойму: на адным нанесены тэкст, на іншым выяўлены руны. Нават калі на надмагіллі няма ніводнага надпісу, то сама яго форма раскажа спецыялістам пра многае. Так, калі верхняя частка каменя скошана, значыць, крыж стаяў на магіле жанчыны, а калі хавалі мужчыну, камень усталёўвалі прамы.