Лепельская міжраённая інспекцыя аховы жывёльнага і расліннага свету нагадвае, што 1 сакавіка 2019 года заканчваецца забарона на лоўлю наліма, звязаная з нерастам гэтага віду рыбы.
Налім, мабыць, самая незвычайная з рыб Беларусі. Знешне ён нечым нагадвае сома, але ставіцца налім да сямейства трасковых, суродзічы яго - выключна марскія рыбы, насельнікі суровых паўночных мораў, таму актыўнасць і нераст наліма назіраецца з замярзаннем вадаёмаў. Адкладванне ікры адбываецца са снежня па люты пад лёдам, пры тэмпературы 1 – 3 ºС. Нерастуецца невялікімі зграйкамі, якія складаюцца з адной буйной самкі і некалькіх самцоў, звычайна на дробных месцах з хуткім цячэннем і пясчаным або камяністым грунтам. Выклёўванне лічынак адбываецца ў пачатку разводдзя, што ў сваю чаргу прыводзіць да масавай гібелі лічынак, да вынасу яе на пойму, дзе яны пазней абсыхаюць і гінуць, таксама вялікая колькасць лічынак з'ядаецца акунем і ершом. Таму, нягледзячы на высокую пладавітасць наліма выжывальнасць яго лічынак малая. Наліма ў нас няшмат, а пасля мінулых анамальна гарачых гадоў, яго становіцца яшчэ менш, ён вельмі дрэнна пераносіць высокую тэмпературу вады.
У перыяд забароны на лоўлю наліма Лепельскай МРИ АЖ і РС выяўляліся выпадкі незаконнай здабычы гэтага віду рыбы. Так у лютым гэтага года жыхар Лепельскага раёна на рацэ Эса Чашніцкага раёна ажыццявіў здабычу 3 асобін наліма. Так як шкода, прычыненая навакольнаму асяроддзю ў перыяд забароны вылічваецца ў трайным памеры, за кожную асобіну наліма парушальніку давядзецца заплаціць 27 базавых велічынь за кожную асобіну, што ў суме склала 81 базавую велічыню (2065 рублёў 50 капеек). Таксама парушальніку пагражае штраф да 50 базавых велічынь.