Прадпрыемствы жыллёва-камунальнай гаспадаркі вобласці імкнуцца рабіць усё магчымае, каб у дамах і ўстановах у ацяпляльны перыяд было цёпла і камфортна.
Прадпрыемствы жыллёва-камунальнай гаспадаркі вобласці імкнуцца рабіць усё магчымае, каб у дамах і ўстановах у ацяпляльны перыяд было цёпла і камфортна.
– Яшчэ ў маі вызначылі задачы па падрыхтоўцы прадпрыемстваў да маючага ацяпляльнага перыяду з улікам леташніх недахопаў, – сказаў першы намеснік начальніка галоўнага ўпраўлення ЖКГ аблвыканкама Дзмітрый Герасімаў.
На аб'ектах цеплазабеспячэння праведзены выпрабаванні абсталявання і цеплавых сетак, выкананы прафілактычны рамонт абсталявання кацельняў і цэнтральных цеплапунктаў, ачышчаны ўсе катлы і бойлеры, праведзены капрамонт сталёвых катлоў, заменена большасць нееканомных катлоў.
Каб забяспечыць надзейнасць цеплазабеспячэння і знізіць цеплавыя страты, штогод праводзіцца планавая замена цепласетак з пераважным выкарыстаннем папярэдне ізаляваных труб. На дадзены момант абнавілі больш за 42 км цеплавых сетак пры гадавым заданні 65 км.
Як адзначыў Дзмітрый Іванавіч, прыярытэтным напрамкам развіцця цеплазабеспячэння вобласці застаецца павелічэнне долі мясцовых паліўна-энергетычных рэсурсаў – тарфу, дроў, шчэпак, драўняных адходаў, што патрабуе правядзення комплекснай рэканструкцыі кацельняў з прымяненнем катлаагрэгатаў з механізаванай падачай паліва і золааддаленнем, аўтаматызацыяй працэсу гарэння. Адзін такі ўсталяваны ў кацельні «Бабінічы» КУП «Аршацепласеткі», па два – на цэнтральных кацельнях у Браславе, Верхнядзвінску, Шуміліне.
Адрэгулявана і аптымізавана праца трох кацельняў («Янкі» і «Гліннае» РУП ЖКГ «Докшыцы-камунальнік», «Смальяны СШ» КУП «Аршацепласеткі»), у якіх быў падвышаны расход паліва і электраэнергіі на выпрацоўку цяпла.
Рыхтуюць да ацяпляльнага сезона і жыллёвы фонд, дзе адрамантавана 90% цеплапунктаў, 55% стыкаў сценавых панэляў і 63% дахаў.
Да маючага восеньска-зімовага перыяду рыхтуюцца і філіялы УП «Віцебскаблвадаканал», якія правялі прафілактычнае абслугоўванне ўсіх аб'ектаў водазабеспячэння, адрамантавалі ўсе артэзіянскія свідравіны, водаразборныя калонкі, пажарныя гідранты і помпы, а таксама пераклалі больш за 50 км старых водаправодных сетак (68%), 4,5 км сетак і калектараў каналізацыі (77,6%).
На балансе прадпрыемстваў ЖКГ вобласці знаходзіцца 73 адзінкі аўтаномных перасоўных крыніц электразабеспячэння. Таксама для ліквідацыі аварыйных сітуацый на крыніцах цеплазабеспячэння і цеплавых сетках падрыхтаваны дзве перасоўныя мабільныя кацельні ў Глыбокім і Оршы.
На камунальных прадпрыемствах вобласці дыспетчарскія службы цалкам укамплектаваны персаналам.