Усе эканамічныя праблемы Расіі і Беларусі ёсць пераадольныя, заявіла падчас пленарнага пасяджэння VII Форуму рэгіёнаў Беларусі і Расіі старшыня Савета Федэрацыі Федэральнага сходу Расіі Валянціна Матвіенка, перадае карэспандэнт БЕЛТА.
Усе эканамічныя праблемы Расіі і Беларусі ёсць пераадольныя, заявіла падчас пленарнага пасяджэння VII Форуму рэгіёнаў Беларусі і Расіі старшыня Савета Федэрацыі Федэральнага сходу Расіі Валянціна Матвіенка, перадае карэспандэнт БЕЛТА.
"Саюз нашых дзяржаў, супрацоўніцтва нашых краін, дружба нашых народаў абапіраюцца на трывалую аснову. Яна надзейна супрацьстаіць усім спробам яе расхістаць, запусціць працэс дыстанцыравання Расіі і Беларусі адзін ад аднаго. Я ўпэўнена, што нашы народы гэтага не дазволяць. Так, не ўсё ў нашым эканамічным супрацоўніцтве ідзе гладка, маюцца праблемы, але ўсе яны пераадольныя. Пра гэта сведчыць той факт, што Расія застаецца ключавым інвестыцыйным і гандлёвым партнёрам Беларусі", - сказала Валянціна Матвіенка.
Старшыня Савета Федэрацыі адзначыла, што пазіцыя Расіі ў дачыненні да Беларусі нязменная. "Мы за далейшае паглыбленне эканамічнага супрацоўніцтва нашых краін, удасканаленне яго механізмаў на ўмовах прынцыпаў роўнапраўя, узаемнай выгады, павагі інтарэсаў адзін аднаго. Тым больш што такі досвед у нашых краін назапашаны велізарны, у тым ліку на ўзроўні міжрэгіянальных сувязяў", - падкрэсліла яна.
Валянціна Матвіенка заявіла, што форум рэгіёнаў трывала ўвайшоў у жыццё дзвюх краін. "Гэта заўсёды чаканая і важная падзея, а ў цяперашніх няпростых умовах яе значнасць яшчэ больш узрастае, пра што пераканаўча сказалі ў відэазваротах прэзідэнты нашых краін. У гэтыя дні ў рамках форуму ідуць ажыўленыя перамовы кіраўнікоў рэгіёнаў, бізнес-партнёраў, будуць заключаны шматмільённыя кантракты і пагадненні, абмяркоўваюцца магчымыя маштабныя праекты на доўгую перспектыву. Ужо бачна, што форум завершыцца з добрымі паказчыкамі як колькасці падпісаных кантрактаў і дагавораў, так і іх сумарнага грашовага эквіваленту", - дадала яна.