Начныя замаразкі і ранішнія туманы: прыйшоў час змяніць шыны

  У ноч на чацвер па ўсёй рэспубліцы прагназуюцца замаразкі, месцамі да -5°С, раніцай у некаторых рэгіёнах - туманы.

  У такіх умовах летнія шыны "дубеюць" і перастаюць забяспечваць неабходнае счапленне з дарогай. З-за перападаў тэмпературы ў спалучэнні з вільготным паветрам магчыма раптоўнае аблядненне праезнай часткі. Пры рэзкім змяненні хуткасці і напрамку руху ўзрастае небяспека намеці. Таму ўжо зараз кіроўцам рэкамендуецца задумацца аб змене гумы на зімовую

  Кіроўцам неабходна перабудавацца на больш спакойны і мерны стыль кіравання. Выбірайце бяспечную хуткасць і дыстанцыю, адмоўцеся ад рэзкіх манеўраў і тармажэнняў, асабліва паблізу пешаходных пераходаў, на прадуваемых участках, мастах, пуцеправодах і закругленнях дарог. Усе, хто знаходзіцца ў аўтамабілі, павінны быць прышпілены, а дзеці да 12 гадоў перавозіцца ў спецыяльных утрымліваючых прыладах.

  Пры руху ў тумане не забывайце, што адлегласці скажаюцца! Знізіце хуткасць, уключыце блізкае святло і процітуманныя фары.

  Пешаходам у пахмурныя восеньскія дні таксама неабходна паклапаціцца пра сваю бяспеку: апранаць яркую вопратку, карыстацца святлоадбівальнымі элементамі, не перасоўвацца па праезнай частцы, пераходзіць дарогу толькі ў дазволеных месцах і толькі пераканаўшыся, што кіроўцы вас заўважылі і паспяваюць спыніцца.