Нормы і правілы па забеспячэнні ядзернай і радыяцыйнай бяспекі зацверджаны пастановай Міністэрства па надзвычайных сітуацыях Беларусі ад 2 кастрычніка 2018 года №52, якая афіцыйна апублікавана на Нацыянальным прававым інтэрнэт-партале, паведамляе БЕЛТА.
Нормы і правілы па забеспячэнні ядзернай і радыяцыйнай бяспекі зацверджаны пастановай Міністэрства па надзвычайных сітуацыях Беларусі ад 2 кастрычніка 2018 года №52, якая афіцыйна апублікавана на Нацыянальным прававым інтэрнэт-партале, паведамляе БЕЛТА.
Пастановай вызначаны патрабаванні да ўсталявання класа аварыйнай сітуацыі. Аварыйная гатоўнасць названы рэжым функцыянавання АЭС, пры якім парушаны межы бяспечнай эксплуатацыі энергаблока, але прыняцця спецыяльных мер па абароне работнікаў і насельніцтва не патрабуецца. Аварыйная абстаноўка - рэжым функцыянавання атамнай станцыі, пры якім патрабуецца прыняцце спецмер.
Кіраўніцтва АЭС да завозу ядзернага паліва павінна забяспечыць стварэнне камісіі па папярэджанні і ліквідацыі надзвычайных сітуацый. На АЭС будуць функцыянаваць унутраны і знешні крызісныя цэнтры, якія з'яўляюцца месцам збору і працы ўдзельнікаў аварыйнага рэагавання і камісіі.
У дакуменце прапісаны дзеянні пры аварыйных сітуацыях, парадак апавяшчэння і перадачы інфармацыі пры іх узнікненні. Схему апавяшчэння арганізацый, якія ўдзельнічаюць у аварыйным рэагаванні, зацвярджае дырэктар АЭС да завозу ядзернага паліва.
Пастанова ўступае ў сілу пасля афіцыйнага апублікавання.