Ашуканцы пачалі масава рассылаць паведамленні падпісчыкам буйных тэлеграм-каналаў.
Сцэнар заўсёды аднолькавы:Пішуць, што «канал закрыты» з-за страты доступу да мадэрацыі;
Прапануюць «падпісацца на новы канал»;
Аўтаматычна дадаюць чалавека ў фэйкавую групу, дзе ўсё выглядае пераканаўча — аватар, назва, нават «удзельнікі» (на справе гэта боты);
Затым кідаюць спасылку для пераходу — менавіта яна і вядзе да крадзяжу акаўнта.
Далей усё проста: у ахвяры запытваюць код пацвярджэння, доступ да акаўнта перахопліваюць, а затым выкарыстоўваюць яго для новых нападаў.
Памятайце:
Не пераходзьце па незнаёмых спасылках;
Не ўводзьце коды і даныя на старонніх старонках;
Афіцыйны канал ніколі не знікае «раптам» — перад перанакіраваннем аўтары заўсёды робяць папярэджанні.
Беражыце свае акаўнты — ашуканцы становяцца ўсё больш вынаходлівымі.