Новае радовішча нафты адкрыта ў Беларусі, паведамілі БЕЛТА ў прэс-службе РУП "Вытворчае аб'яднанне "Беларуснафта".
Новае радовішча нафты адкрыта ў Беларусі, паведамілі БЕЛТА ў прэс-службе РУП "Вытворчае аб'яднанне "Беларуснафта".
Новае радовішча, якое знаходзіцца ў межах прамежкавага блока рэгіянальнага Рэчыцка-Вішанскага разлому Прыпяцкага прагіну, атрымала назву Вугольскае.
Падчас разведвальнага бурэння Вугольскай падсолевай структуры пошукавая свідравіна №1-Вугольская з глыбінёй 5 218 м пры асваенні сямілукскага гарызонту дала прыток нафты з газам дэбітам каля 39,5 т у суткі.
Нафта Вугольскага радовішча адносіцца да катэгорыі цяжкадаступных запасаў. Яны знаходзяцца на вялікай глыбіні і ў нізкарэнтабельным калектары. Станоўчым фактарам для распрацоўкі стане анамальна высокі пластовы ціск.
Геалагічныя запасы новага радовішча ацэньваюцца прыкладна ў 1,7 млн т нафты. Больш дакладную ацэнку можна будзе зрабіць пасля бурэння ў 2017 годзе разведвальнай свідравіны №2-Вугольская.
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, буравіну свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін, у тым ліку Расіі, Украіны, Венесуэлы, Эквадора.